磅太太 (已結業)

今年踏足过好多特色餐厅都令我难以忘怀，其中一间必定要数到呢间隐世酒吧—磅太太。去到门口只以为是一间配匙店，经过门口旁边嘅机关先知晓入有干坤，入面系一间装潢好特别嘅酒吧呢！一嚟到先点左杯cocktail—In the mood，英式茶同gin做个base，茶香又几出再配埋gin又几岩饮～全晚食左几道菜，最令我印象深刻就系呢款fusion炒肠粉，入面其实好邪恶，有牛骨髓同埋好多牛肉，加埋XO酱好惹味！估唔到系酒吧可以食到酱油虾，佢地用上天使虾～肉厚又入味！另一道系叻沙汤云吞，叻沙汤好浓郁，而汤底仲可蘸旁边嘅香脆多士一齐食，超出色！平时食肉酱意粉都唔会称奇，但呢度将腐皮代替左意粉嘅角色，真系创意满分！而我一向都超爱腐皮所以真系超爱呢道菜！仲有点左啲串烧，脆烤鳗鱼同猪肉串都好出色！最后嘅甜品都令我意想不到—咸蛋黄鸡蛋仔鸡蛋仔一粒粒present更容易蘸上佢地特制嘅咸蛋黄酱，味道都好match～食物会令人喜出望外，好想再去品尝可惜已经结业了，如果重开定必再光顾！