發哥粥底海鮮火鍋 (已結業)

今朝睇完医生，来到九龙湾打算去工厂区取我之前订落的货品，拎完后还有时间，就打算快快脆揾个地方医肚，行下睇到一张海报，以为有粥食，就跟著个海报的地址去，兜兜转转，入左去一幢工厦，入到去仲要有度门出返去，跟著好似去到一个似后巷地方，见到张海报有度门，入到去，原来系一间茶餐厅而已。再睇清海报，原来唔系有粥食，只系佢有粥底火锅，系自己搞错左。不过算啦，既然黎到就去试下啦。呢度地方都几大，仲好多人帮衬，所以呢度都系要搭枱食饭，我就安排左去一个卡位同人搭枱，呢度环境光猛，真系如果唔系地头虫都应该唔知有呢间野。见餐牌有汤饭食，就叫汤饭啦，我叫左个方鱼肉碎汤饭和餐跟一杯饮品，我就叫了一杯柠檬水。柠檬水有三片柠檬，份量都够。方鱼肉碎汤饭都几大碗，但方鱼只系切到一条条，咬落好硬，肉碎都算多，汤底我唔觉得系用方鱼一齐煲，因为汤底冇方鱼鲜味，只系一碗平平凡凡的汤饭，今日病病地，觉得汤饭都算清，病食都唔错，如果平常食就觉得佢唔合格了。其实一碗汤饭加一杯饮品都系咁既价钱，都ＯＫ啦！