北海道牧場 (已結業)

星期日个天气好一般，于是决定室内活动，就系去沙田睇戏。睇完戏，喺沙田市中心揾食，但真系太多人，于是决定去附近嘅商场睇下会唔会少啲人。原本打算去食翠华，不过经过见到北海道牧场餐厅，又好耐冇食，于是决定去呢间。间餐厅好隐蔽，冇乜人去，但装修几好，环境够光猛，我哋两个仲要好好彩有卡位坐。呢间北海道牧场，唔需要自己出去叫嘢食，侍应会过嚟帮你落单，但价钱同出边系一样嘅。叫咗个常餐，改窝夫，炒蛋一如既往嘅好味又滑又香，不过窝夫就争小小，佢应该唔系即整，因为唔够热，不过d sauce 就好大方比好多男朋友叫咗个番茄通粉，番茄汤都ok, 不过牛肉就麻麻啦. 饮品佢叫咗红豆冰，个侍应好细心，问使唔使少冰美中不足系红豆煮得唔够沙，不过以连锁集团来讲已经好好。