麵佬到 (已結業)

终于都可以卖甩「痴身的阿姐」，约埋fd底同事出去食，佢成日都话好想试呢间马来面档，但因为地方细，坐得唔舒服，阿姐又会黑面兼比说话我地听，所以一直都唔敢去食。呢间面档地点真系好隐蔽，我地不断系附近兜左几个圈都揾唔到，正当想放弃揾其他野食，见到窄巷有人行过，大胆的同事话不如系果条巷行入去睇下，果然真系要穿过窄巷先揾到！入到去餐厅细细，好多都系自闭位，大伙儿就唔系甘适合。食物种类唔算多，set lunch都系得4款拣，队长怕辣，所以拣左个炒粿条，嗜辣既同事就拣左个泰式捞粉。其实炒粿条系炒河粉/贵刁至真，不过都系用黑豉油去炒，都炒得几香，面条无话少到一旧旧甘，只系觉得唔系好够料，同埋差D蛋丝；至于同事个泰式捞粉，其实即系鱼旦、肉碎捞面，我食左一啖都OK，我接受到既辣，同事就话唔够辣。其实味道都唔错，不过$88食碗面就有点贵，我初时都想试下个椰子千层蛋糕，不过要加$20，成旧水食个lunch好似贵左D。