炊豕店 (威靈頓街) (已結業)

周四晚中环有新舞场，收咗工就约同女伴舞前食个简单晚餐。得知喺铜锣湾帮衬开间「炊豕店」喺区内新开咗间分店㖞，两口子就决定去试一试，睇吓同本店有冇得比。喺威灵顿街上，新店鲜明突出。为方便排队嘅食客拣选食物，门外有大大张中英对照嘅彩图餐牌任君参考。店内嘅木造枱櫈、海报剪报及日历灯饰等，都显出装潢简朴得十分怀旧有特色。餐桌上摆有自助餐具及调味料。只有中文版嘅点菜纸讲明每位客人设有最低消费$40，并且每人要填一张。新赠嘅啤酒及红白酒项目就贴咗喺窗边。酒鬼XO仔就要咗枝清爽嘅Corona（$30/樽）。秘制猪扒饭（肉燥汁；$58）：招牌靓饭嘅白饭底粒粒饱满肥润，即叫即炸嘅秘制猪扒金黄吸睛，咬落香脆无比，肉质厚润松爽，伴上带甜嘅肉燥汁已够浓郁惹味，绝不比铜锣湾本店逊色！冲绳猪软骨捞粗面（$60）：意外地，靓女所点嘅冲绳猪软骨捞粗面个粗面烟韧软润，而且入哂味，猪软骨量足软腍，极易入口。厚午餐肉（另加$10）：厚午餐肉热辣香口，外脆内嫩，正到包大家食过返寻味，简直系冇得顶呀！猪猪专门店「炊豕店」于中环新设之分店格调轻松怀旧，服务生友善效率高，招牌「秘制猪扒饭」、「厚午餐肉」及「冲绳猪软骨捞粗面」均质高味