影片
更多
2019-03-25
524 浏览
2019年3月24日。雨。尖沙咀。呢两日天气突然转冻，仲落雨添。。。咁嘅天气令我不禁想起当年游览葡萄牙嘅时候都系一样嘅天气～而葡萄牙人仲认为落雨个地下望落会闪令令咁，比平时更靓，呵呵～咁啱呢日男朋友就带咗我嚟食葡国菜啦～呢间葡国菜餐厅位置有啲隐蔽，喺美丽华二期行到门口就会见到呢只好有特色嘅葡国公鸡所以如果想喺尖沙咀静静地咁食餐饭，呢度都系唔错嘅选择～餐厅提供唔同嘅套餐畀客人拣，唔想选择困难症发作就可以直接因应人数拣套餐～枱上仲有葡萄牙出产嘅橄榄油同黑醋，质素高，仲任加唔嬲添！里斯本沙律唔好以为呢个沙律就只系食菜，佢原来系个宝藏，充满惊喜～首先有大量沙律菜啦～黑醋香甜，可以僻咗啲菜嘅少少草青味除咗沙律菜，里面仲有芝士粒、西班牙火腿、橄榄最惊喜嘅系入面仲有好多唔同嘅果干！！唔同嘅水果带出独特嘅甜味～有提子干、莓干、木瓜干，仲有最正嘅无花果干！！！呢个沙律真系好开胃，必点！葡式烤乳猪（1/4只）中式烤乳猪系我平时婚宴唔多会食嘅嘢但系呢款葡式烤乳猪睇落吸引好多～即管试下～佢个外皮唔似中式乳猪咁会有爆花，系滑捋捋嘅～近骨嘅肉腌得非常入味，咸香十足，但绝对唔系死咸，好惹味～肉味嚟讲，完全唔会有膻味
呢两日天气突然转冻，仲落雨添。。。
咁嘅天气令我不禁想起当年游览葡萄牙嘅时候都系一样嘅天气～
而葡萄牙人仲认为落雨个地下望落会闪令令咁，比平时更靓，呵呵～
咁啱呢日男朋友就带咗我嚟食葡国菜啦～
呢间葡国菜餐厅位置有啲隐蔽，喺美丽华二期行到门口就会见到呢只好有特色嘅葡国公鸡
所以如果想喺尖沙咀静静地咁食餐饭，呢度都系唔错嘅选择～
餐厅提供唔同嘅套餐畀客人拣，唔想选择困难症发作就可以直接因应人数拣套餐～
枱上仲有葡萄牙出产嘅橄榄油同黑醋，质素高，仲任加唔嬲添！
里斯本沙律
47 浏览
0 赞好
0 留言
里斯本沙律
唔好以为呢个沙律就只系食菜，佢原来系个宝藏，充满惊喜～
首先有大量沙律菜啦～
黑醋香甜，可以僻咗啲菜嘅少少草青味
除咗沙律菜，里面仲有芝士粒、西班牙火腿、橄榄
最惊喜嘅系入面仲有好多唔同嘅果干！！
唔同嘅水果带出独特嘅甜味～有提子干、莓干、木瓜干，仲有最正嘅无花果干！！！
呢个沙律真系好开胃，必点！
葡式烤乳猪（1/4只）
46 浏览
0 赞好
0 留言
葡式烤乳猪（1/4只）
中式烤乳猪系我平时婚宴唔多会食嘅嘢
但系呢款葡式烤乳猪睇落吸引好多～
即管试下～
佢个外皮唔似中式乳猪咁会有爆花，系滑捋捋嘅～
近骨嘅肉腌得非常入味，咸香十足，但绝对唔系死咸，好惹味～
肉味嚟讲，完全唔会有膻味，肉质嫩滑，推荐！
隔篱嘅饭，个饭有名堂嘅，叫做「肥仔炒饭」，唔知点解叫咁嘅名呢～
用料丰富，有葡国腊肠、鸡强、红葱头、蒜头同埋蕃茄酱，最重要嘅系～～炒饭入面都有提子干！！！
炒饭甜甜地咁，好好味～
espresso
63 浏览
0 赞好
0 留言
特浓咖啡
身为咖啡控嘅我点少得饮咖啡环节
店员推介我哋试下delta嘅espresso
Delta系葡萄牙出名嘅咖啡品牌，饮落果然香浓～
店员仲好贴心咁为少饮咖啡嘅男朋友准备decaf
服务一流～
葡式西多士
210 浏览
0 赞好
0 留言
葡式西多士
葡式西多士用个镬仔上，有好多嚿，堆咗个山仔出嚟咁
呢款西多士睇样就知同港式西多好唔同
个面有好多啡色好似黑糖嘅粉原来系特别嘅肉桂糖粉！
再配上个砵酒酱同埋士多啤梨＆蓝莓
造型满分～
食落亦好滋味～本身惊肉桂味会好重，但呢个顾虑系多余嘅～
只有淡淡嘅肉桂味，所以成个味道好特别
西多士口感亦丰富，做到外脆内软～
配返个espresso又令件事升华咗！
红砵酒雪糕
124 浏览
0 赞好
0 留言
红砵酒雪糕
食嘅时候店员做过嚟倒啲干冰入下面个座～
视觉效果一流～
红色嘅砵酒雪糕用嘅酒有个好靓嘅名，叫做红宝石～
食落酒味浓，但唔啃，雪糕绵滑，甜度适中～
白砵酒雪糕
101 浏览
0 赞好
0 留言
白砵酒雪糕
白色砵酒味道软苦，可能系酒嘅原因～
亦可能系入面加咗柠檬皮嘅关系～
增加雪糕质感，系雪糕质地依然creamy
呢个甜品感觉上就系大人嘅味道～
正！！
题外话/补充资料：
由点餐到埋单都系男朋友负责，所以唔知价，呵呵～
(以上食记乃用户个人意见 , 并不代表OpenRice之观点。)
张贴
