榮華南洋冰室

营业中

休息中

星期日同A姐行吓上环，感受一吓老香港嘅生活同景象，令我哋回忆起香港从前嘅美好时光。行吓行吓，行到差馆上街见到呢间蓝色嘅建筑，原来系以南洋风情为主打嘅荣华南洋冰室。餐厅设计用上南洋风情嘅瓦仔地板、木枱木凳，好有去咗旅行嘅感觉。蒜香牛油鸡翼小食叫咗蒜香牛油鸡翼，一份6只，炸到金黄色嘅鸡翼上面铺上大量嘅炸蒜，令鸡翼更加香口。外皮炸得松脆，鸡肉又嫩又多汁，仲有淡淡嘅牛油香，好香脆好惹味。炭烧猪颈肉饭原本想食嘅海南鸡饭，可惜售罄，退而求其次梗咗炭烧猪颈肉饭，个一啲都无令我失望。加上烧汁嘅猪颈肉烧到微焦，索晒烧汁嘅味道，猪颈肉嫩滑弹牙，肉汁味十足！最后饮埋够晒解喝嘅青柠梳打。