幸福小路 (已結業)

早排有同事派散水饼，食到好好味的士多啤梨蛋糕，今日专程去寻觅间蛋糕舖。北角离公司近近地，但个舖头唔系外面街，系桥底的巷入面，跟住google map 终于揾到。要左下午茶餐70蚊，但想饮的想食的蛋糕都要加钱，埋单85蚊。蛋糕上面有焦糖脆脆，脆脆好特别好味，但唔够多，忌廉同士多啤梨蛋糕同款，清新不腻。不过中间馅料食唔出系焦糖味。都系士多啤梨蛋糕最出色，临走打包一件。另外饮品荔枝红桑子梳打非常普通！梳打水加糖浆咁。早知饮玫瑰拿铁喇～蛋糕外型同碟都好可爱，好有少女心，同女仔朋友黎下午茶倾计仔都系一个不错选择。