越滋味 (已結業)

3月23日, 喺渣甸坊入面有一间越南野, 已经有好多次过门而不入. 但系因为铜锣湾好味又抵食嘅越南菜买少见少, 呢度价位都变得唔贵, 所以今日都终于的起心肝试一次. ::: 越式炒河 + 冻奶茶 ::: $43 + $3炒河上枱唔系好特别𠮶只, 都系好似普普通通𠮶d越泰式炒河咁款, 用料都系扎肉为主, 唔太食得出其他仲有咩肉, 再加上蛋呀, 葱呀萝卜丝同蒜... 味道有d香茅鱼露味啦, 河粉有d立, 唔系好爽口, 就咁食会好干, 好彩都有野饮~冻奶茶都算正常味, 茶味奶味均匀, 亦都够冻, ok~::: 香茅猪扒捞檬 +青柠水 ::: $38 + $3香茅猪扒捞檬卖相非常丰富! 除咗主角香茅猪扒之外其他配菜仲有齐青瓜丝、酸萝卜丝、花生碎、炸蒜、同葱粒~ 猪扒系出奇地软熟, 唔会炸得过干又有香茅味, 其他配料亦尽其锦上添花作用~ 成个捞檬都好足料又好味! 美中不足系下面d檬粉有少少黐埋一旧旧.青柠水酸酸甜甜好清新~ 不错~隐蔽嘅越菜, 午市都几多人, 大多都系附近sales, 似乎都系熟客, 大多嘅吉枱都留咗俾佢地, 所以对我地呢d生客服务就有d差...