鮮茶道 (已結業)

热辣辣嘅天气，每行几步就会想补充水份补充水份就紧份要就近揾返间台式饮品店买杯野饮要揾呢间舖都有啲难度，路途迂回，要由落超市𠮶边入The ONE，落咗超市𠮶层又要喺超市入面揾另一条扶手电梯上返一层（定叫半层，我都唔知啦）有个小小嘅food court，呢间舖头就系其中一个舖位虽然对于我来讲有啲难揾，但系去到又已经有好多人排紧队啦由朝早已经饮咗咖啡，唔想再饮奶制品，于是嗌咗杯招牌水果茶（薄冰，微糖）等嘅时候无野做就睇下店员冲茶嘅过程首先见到收银隔离有好多个茶罐，每冲一杯茶就见到个店员用夹喺罐度夹一个茶包出来都算几卫生，几落本雪柜入面有好多支十字牌鲜奶，唔知系咪代表用鲜奶而唔系用奶粉或者奶精冲奶茶呢？但系！仲见到雪柜入面有几杯切好咗嘅水果茶底。。。咁又即系水果茶用嘅水果唔新鲜啦冰量的确有减少嘅茶味香而不淡，会饮到底嘅热情果同另一种唔知咩细细粒嘅生果（有啲似橙，甜甜地）微糖嘅甜度唔错，啱啱好～清新香甜，但略贵