林氏廚房 (已結業)

荔枝角D2耐唔耐都会去，但原来隔多一个街口嘅一楝工业大厦内有一间隐世私房菜，地方好大，有两张可以坐十二人嘅枱，有好多双座位嘅枱，甚至有表演台有live band表演。食物方面，可以事先订定，如果walk-in的话他们都有set menu。今次小编walk-in就叫咗𠮶二人套餐，套餐有七道菜，价钱都系$488，好抵食。◇ 是日餐汤 - 粟米南瓜汤南瓜味够甜，粟米粒有咬口，汤唔稀偏杰◇ 前菜 - 虾肉烟三文鱼沙律配油醋汁三文鱼少许烟熏，但鲜味十足，虾肉碎令沙律更鲜甜，酸酸甜甜油醋汁令人开胃◇ 前菜 - 炸茶树菇、炸鸡软骨、饺子炸茶树菇烟烟韧韧，唔觉油腻；炸鸡软骨爽口，不过少啲炸粉会更好；饺子馅料系猪肉，饺子皮唔厚，两件份量刚好◇ 主菜 - 鹅肝拼纽西兰牛栁牛柳厚切，7成熟切开呈鲜红色，肉质嫩滑多汁，牛味好出，两件份量好足，配搭鹅肝比较少见，但绝对系惊喜，因为件鹅肝质素高，系主角之一◇ 主菜 - 带子黑松露意大利饭带子爽口鲜甜，表面微焦香口，同黑松露系绝配，意大利饭质地软绵，酱汁creamy，味道偏清淡但入味◇ 甜品 - 朱古力布郎尼细细一件朱古力布郎尼，唔会因为单一味道感觉甜腻，甜度适中，