影片
更多
2023-08-21
164 浏览
平时出街食饭 都好少会谂起想去食马来西亚菜～𠮶日见到朋友去咗马来西亚旅行啲美食照 于是心血来潮走去search下香港有冇好食嘅马来西亚餐厅！喺茫茫大海中竟然比我误打误撞揾到呢间喺中环但又隐世嘅超高质马来西亚餐厅😌食完餐饭成个人完全系大满足💯首先点解会话佢隐世 其实系因为餐厅嘅入口系隐藏喺小巷入面～虽然地址系喺士丹顿街 但因为餐厅系位于地库 所以入口系喺落返半条街 俊荣里𠮶度入😉朋友仔要留意喇！餐厅唔算好大 但位置同位置之间都几宽敞加上店舖嘅装修型格简洁 墙上面挂住唔同嘅相同作品整个用餐氛围都好舒服🖤menu选择繁多🥰比起传统马来西亚菜 佢哋仲有提供啲fusion菜式比大家多几个唔同嘅选择😛秘制马来西亚咖喱喇沙汤面 —— 珍宝大蚬拼海虾 $142Brick’s malaysian curry laksa noodles —— jumbo clam & prawn $142话明系crave for马来西亚菜 当然唔可以唔嗌返碗喇沙嚟食啦🍜呢度有提供多种唔同嘅肉类比你自由选择撘配：鱼、鸡、牛、海鲜 应有尽有🍢我就拣咗珍宝大蚬拼海虾🦞一上菜比佢嘅份量吓亲😱超大碗得嚟 上面仲有座芽菜山！而佢嘅珍
𠮶日见到朋友去咗马来西亚旅行啲美食照 于是心血来潮走去search下香港有冇好食嘅马来西亚餐厅！
喺茫茫大海中竟然比我误打误撞揾到呢间喺中环但又隐世嘅超高质马来西亚餐厅😌
食完餐饭成个人完全系大满足💯
首先点解会话佢隐世 其实系因为餐厅嘅入口系隐藏喺小巷入面～
虽然地址系喺士丹顿街 但因为餐厅系位于地库 所以入口系喺落返半条街 俊荣里𠮶度入😉朋友仔要留意喇！
餐厅唔算好大 但位置同位置之间都几宽敞
加上店舖嘅装修型格简洁 墙上面挂住唔同嘅相同作品
整个用餐氛围都好舒服🖤
menu选择繁多🥰
比起传统马来西亚菜 佢哋仲有提供啲fusion菜式
比大家多几个唔同嘅选择😛
秘制马来西亚咖喱喇沙汤面 —— 珍宝大蚬拼海虾 $142
Brick’s malaysian curry laksa noodles —— jumbo clam & prawn $142
话明系crave for马来西亚菜 当然唔可以唔嗌返碗喇沙嚟食啦🍜
呢度有提供多种唔同嘅肉类比你自由选择撘配：
鱼、鸡、牛、海鲜 应有尽有🍢
我就拣咗珍宝大蚬拼海虾🦞
一上菜比佢嘅份量吓亲😱超大碗得嚟 上面仲有座芽菜山！
而佢嘅珍宝大蚬拼海虾真系冇呃人㗎！
蚬同虾嘅size坚系珍宝🤣
欣赏佢哋唔似得出面嘅餐厅 会因为size大咗而减少数量
蚬同虾嘅数量够多 两个人分都完全够食 绝对唔系敷衍🫶🏻
而且好新鲜 蚬冇沙 虾都冇雪藏味🐚
除咗自选嘅𩠌外 每碗喇沙都有附上半只流心蛋、豆卜、生菜同芽菜～
钟意食酸啲嘅朋友仔都可以选择唧多啲青柠汁🍋
而汤底方面绝对有惊喜❤️🔥
椰奶同香料嘅比例调得啱啱好 唔会太呛之外 又完全带到喇沙𠮶种辣嘅惹味出嚟🌶️
令人不禁一啖接一啖咁饮个汤底～
另一个惊喜位系食食下发现佢哋嘅面底除咗粗身油面之外 仲有米粉！
第一次食面系有2种唔同嘅面种捞埋一齐食😮感觉好神奇！
秘制马来西亚咖喱喇沙汤面 — 珍宝大蚬拼海虾
$142
17 浏览
0 赞好
0 留言
秘制马来西亚咖喱喇沙汤面 — 珍宝大蚬拼海虾
$142
11 浏览
0 赞好
0 留言
意式辣酱煮海虾配粟米片 $148
Italian spicy prawn with nachos $148
nachos系我最爱食嘅零食之一 一见到就谂都冇谂过就order咗嚟食😂
开头都都疑惑过究竟脆身嘅nachos会唔会同湿嘅酱唔夹🤫
不过食咗第一啖之后 完全觉得自己担心错晒🥴
唔知系咪因为同海虾一齐煮 所以佢嘅汁自身本身已经充斥住鲜味～
同平时𠮶啲罐头意粉酱汁完全系两个层次🥫
相信如果呢个汁煮意粉嘅话 我应该会食到3碟🤣
当然需要本身海虾够新鲜先会煮到呢个水准啦👨🏻🍳
海虾够晒大只 同喇沙𠮶啲一样 数量诚意满满 口感弹牙 唔会overcooked🦐
另外煮汁嘅时候都有加埋蕃茄、洋葱同翠肉瓜🍅
经过长时间烹煮 啲料煮到索晒汁 鲜味加倍😍
一片脆卜卜嘅nachos 叠加大大只海虾 再一啖埋入口👄
多重口感喺口腔入面爆发 一个字 正！
呢道菜绝对系今餐饭嘅MVP🥇
意式辣酱煮海虾配粟米片
$148
5 浏览
0 赞好
0 留言
泰式酸辣无骨凤爪 $118
Thai boneless chicken claw $118
边个估到马来西亚餐厅都会食到泰国菜🇹🇭
通常喺出面食泰式凤爪都系得几件 其余90%𠮶啲都系菜垫底😮💨
不过呢间餐厅真系完全比足料！唔洗同朋友争凤爪食🤪
沙律除咗凤爪之外都有生菜、洋葱、芽菜、红萝卜丝～
加上个酱汁酸酸辣辣 好开胃😋
泰式酸辣无骨凤爪
$118
538 浏览
0 赞好
0 留言
椰丝咖椰薄饼 $52
Coconut kaya prata $52
今次系我第一次食prata！之前都冇喺其他香港嘅餐厅见过呢道甜品～
本身见佢个外型 以为佢嘅口感会好似crepe咁
点知一摆入口先发现佢系超级卜卜脆 好似食紧脆饼咁💛
薄饼油炸过之后嘅𠮶种酥香感 喺口入面久久不能挥去～
店员上菜嘅时候都有提醒我哋要趁热食♨️
再加上喺涂满糖浆嘅薄饼表层舖上海量嘅椰丝
口感即刻再更上一层楼🥰
如果大家都系蚂蚁人（好似我咁）🐜 就可以点埋随碟附上嘅咖央酱
甜得嚟又唔会太腻 写包单一定可以满足到大家食甜食嘅瘾🍯
推荐大家要试下呢个！
椰丝咖椰薄饼
$52
17 浏览
0 赞好
0 留言
张贴
