和拉麵

营业中

休息中

放工又肚饿就同朋友揾野食，成个巷其实都有唔少选择，最后我地就入咗「和拉面」。估唔到佢哋啲嘢食都唔差。我叫咗辛辣拉面，佢系有得拣辣度既我就叫左小辣。衣个辣度对我尼讲啱啱好，食落几过瘾。建议大家冬天尼食，食得辣既再拣辣啲应该更过瘾🤣。另外不得不提个日本糖心蛋，入口即溶又滑，比起其他店更流心。而我个friend就叫左豚骨原味拉面，汤底都浓郁，配埋啲面真系一流既配搭，唔食辣既朋友就可以拣衣个保险啲。而小食方面有十几款选择，最后我地叫左紫芋甘栗薯饼同日本煎饺子。用紫薯整既薯饼我都系第一次食，系超好味！！薯芯又甜又香，正！而个日本煎饺子炸得都几香脆，加埋个酱汁食落就更有日本既味道。最后埋单211蚊，有点小贵，但食物水准一流，环境都干净又可以倾到计，系好值得再去一次既。