影片
更多
2020-07-25
1194 浏览
真系唔揾都唔知道北角呢度原来有间隐世火锅店，话说今日同男朋友过开嚟呢边，因为佢系一个火锅控，经搜寻底下先至发觉原来喺呢度有间火锅店职员已经攞咗一盆酱料盘俾我哋，款式都几多嘢拣，可以按自己嘅选择整酱汁出得嚟打边炉梗系叫返个特别啲嘅汤底啦！今日叫咗胡椒猪肚布袋鸡做汤底，顾名思义就系用猪肚包住只鸡，因为汤底制作需时，所以叫咗之后都要等一段时间，不过呢个汤底绝对值得等候一大个汤锅承载着嫩嫩嘅鸡肉，因为鸡肉开始嘅时候系用猪肚包住，可以令到受热程度冇咁大，所以就算汤啱啱滚起，鸡肉都系非常之嫩，平时做汤底嘅鸡肉绝对唔会食，今日竟然我同男朋友都抢着食，特别系佢鸡俾肉位置，嫩滑程度爆灯除咗佢个鸡之外，当然要试吓佢嘅胡椒猪肚汤，护照猪肚汤比起平时就咁单叫嘅汤水冇咁浓郁，味道相对比较清，不过因为火锅会越煲越浓关系，个人觉得食到中段嘅时候再饮啖靓汤，𠮶时嘅胡椒猪肚汤就系最好味👍🏻不过呢个汤底亦都有佢嘅缺点，就系因为胡椒太多令到食菜嘅时候会沾满胡椒喺入边，食起上嚟比较麻烦因为两个人，所以叫你食都唔算好多，主打一定有牛肉！呢度嘅牛肉用上牛颈脊，识落比平时嘅手打牛肉好味而且带有牛香味，佢嘅色泽都睇到佢好新鲜，黎到点
职员已经攞咗一盆酱料盘俾我哋，款式都几多嘢拣，可以按自己嘅选择整酱汁
出得嚟打边炉梗系叫返个特别啲嘅汤底啦！
今日叫咗胡椒猪肚布袋鸡做汤底，顾名思义就系用猪肚包住只鸡，因为汤底制作需时，所以叫咗之后都要等一段时间，不过呢个汤底绝对值得等候
一大个汤锅承载着嫩嫩嘅鸡肉，因为鸡肉开始嘅时候系用猪肚包住，可以令到受热程度冇咁大，所以就算汤啱啱滚起，鸡肉都系非常之嫩，平时做汤底嘅鸡肉绝对唔会食，今日竟然我同男朋友都抢着食，特别系佢鸡俾肉位置，嫩滑程度爆灯
除咗佢个鸡之外，当然要试吓佢嘅胡椒猪肚汤，护照猪肚汤比起平时就咁单叫嘅汤水冇咁浓郁，味道相对比较清，不过因为火锅会越煲越浓关系，个人觉得食到中段嘅时候再饮啖靓汤，𠮶时嘅胡椒猪肚汤就系最好味👍🏻
不过呢个汤底亦都有佢嘅缺点，就系因为胡椒太多令到食菜嘅时候会沾满胡椒喺入边，食起上嚟比较麻烦
因为两个人，所以叫你食都唔算好多，主打一定有牛肉！呢度嘅牛肉用上牛颈脊，识落比平时嘅手打牛肉好味而且带有牛香味，佢嘅色泽都睇到佢好新鲜，黎到点样都要叫一份牛颈脊试吓啦
如果有选择困难症，又想试吓唔同嘅手打丸，就可以叫呢个金牌手工丸
（猪肉丸，手打鲜牛丸，野生黑松露丸，蟹子鲜虾丸）
两个人黎食个人都可以试到一款唔同口味嘅手工丸，牛丸虽然唔算超级弹牙，不过佢嘅牛尾都唔错，蟹子鲜虾丸同野生黑松露丸比较特别男朋友就比较钟意食鲜虾丸，而我就钟意食黑松露味比较重嘅，好少有加入黑松露元素组成嘅手工丸，钟意食黑松露嘅人可以试吓
另外仲叫咗桂花蚌同野生竹笙等等，每次出去打边炉都会叫桂花蚌，因为佢嘅新鲜指数唔错，而且口感弹牙爽口，而且鲜味十足！所以每次都成为我哋打边炉必点嘅食材之一
野生竹笙比平时出边食嘅厚身，而且爽口过人，不过份量略嫌觉得比较少，如果可以多啲就更加好啦
两个人食嘢嘅选择唔好一班人咁多，不过呢度嘅食材真系几新鲜架！有机会再嚟北角嘅时候一定会再试吓佢其他嘅汤底
除咗单点之外，其实呢度仲有超优惠嘅火锅套餐，二人套餐嘅嘢食都唔错，都只系$488 ，如果觉得唔够嘅就再另外单点其他嘢食，为起上嚟个价钱都几抵食㗎
张贴
