彩虹煮意 (已結業)

黑熊先生话经过几次，想试呢间好耐，不过成日啲人都会一pair pair咁入去，所以都唔好意思自己一条麻甩佬去食😂今次终于带埋我入嚟食。不过…店面好似茶餐厅咁，我问黑熊先生有乜唔好意思啫🤨等咗阵，又真系多情侣嚟等位🫢🍛日本鲍鱼带子仔烩饭新鲜鲍鱼嫩滑弹牙，我估烩饭用咗红菜头汁和忌廉煮，再配迷你带子仔，一啖食落口鲜甜又creamy！我仲谂只系普通白汁烩饭配海鲜，点知咁有惊喜🫶🏻🍖🍝加拿大保湿猪肉眼配扁意粉就咁睇猪肉眼扒香煎脆边，充满肉汁，切落去软熟，无太生又无过火。放入口系肉质松软、嫩滑。唔错！另外加$15要一份扁意粉，简单而美味。食物水准似系去咗啲中高档次餐厅，但我哋只系百几蚊就食到，份量仲要唔系细。如果想有多啲款式㨂，要早啲到啦！我哋1点多嚟到有2-3款都卖晒。