HeySoNuts

营业中

休息中

万圣节正日同朋友去咗土瓜湾揾到间高质cafe，主菜同埋甜品都一样咁好食🥳𠮶日仲full晒，证明啲人都识食💫🍷红酒慢煮牛面颊肉配薯蓉煮到超级淋，牛面颊肉入面有少少胶质同埋肉一齐食口感非常好。薯蓉应该系加咗牛油一齐整，所以食落都几香牛油味。另外会附上一碗用牛肉汁煮成嘅杂菜牛肉味非常浓郁，仲可以倒上去牛面颊一齐食。🍺黑啤自家制烟熏猪腩肉意大利饭上菜嘅时候仲系非常热，食落有少少黑啤酒味，加埋烟熏半肥瘦猪腩肉嘅意大利饭有咬口又有油香。另外加咗$55烟三文鱼，不过个人觉得就咁食会好食啲。💚开心果茉莉花梳乎厘pancake梳乎厘pancake充满蛋香，有空气感仲会弹吓弹吓，配上香浓嘅开心果酱一齐食真系好开心。