友拉麵

营业中

休息中

荃湾区有好多大型商场。我一直认为一定要去大型商场先至揾到好嘢食。点知今日经过地铁行行吓去咗一啲比较旧式嘅商场都揾到好嘢食。友拉面系昌宁大厦1楼，距离荃湾港铁站只需要六7分钟。经过天桥一直去就已经到商场，遇着打风落雨都唔需要害怕见到店舖座位十多个，装修劲用心，我谂店主一定好钟意猫咪㗎啦！同细女拍下拖，一碗拉面两份食。叫左期间限定，酱油慢煮叉烧拉面汤底好香浓，而面条原来仲可以拣直面同曲面可以跟随自己钟意的口感。叉烧系薄切，但好鬼大块架。两块都成碗面咁阔。叫埋3款小食试下。免治鸡肉串推介，我好钟意入口边口感，有软淋淋的免治肉亦有爽口的鸡软骨咬口日本炸吉列生蚝，一定要小心热，我同妹妹上枱十分钟之后先再食，但一口咬薄去热仲系出烟热辣辣架，好正。到最后就系北海道牛肉薯饼，薯蓉香滑好味仲有牛肉香气。特别推介一下日本果味碳酸汽水，出面比较少见，口味啖啖果香，配拉面好啱味。侍应服务好好，好有礼貌。所以下次一定要再帮衬。