何車車仔麵 (大南街)

营业中

休息中

好耐无食车仔面，今日去左何车试下。铺头门面唔系好大，入面座位唔多，如果一个人或两个人黎都需要搭一搭台。餐厅无乜装修，但贴满好多食客评语同鼓励说话，都几特别。 虽然铺头细细，但餐厅采用QR code落单。餐厅有面有饭食，我目标系车仔面，当然叫返碗车仔面。车仔面系先拣面底，再拣𩠌。为左我呢啲有选择困难嘅人，佢地仲有老何十𩠌同细何五𩠌，等我地唔驶左谂右谂。另外每碗面都可以加葱，芫茜，干蒜同生蒜。酱汁就有辣汁，咖哩同麻辣俾大家拣。 细何五𩠌油面 ($46) 细何五𩠌包左猪皮，猪红，糖心萝卜，卤水鸡翼皇，陈皮鱼蛋(辣)。糖心萝卜真系好正，无渣之余，食落仲有清甜嘅味道。猪红同样出色，唔知系唔系食左糖心萝卜，唔知点解猪红食落都系甜甜地。卤水鸡翼皇就十分入味。最估唔到系陈皮鱼蛋，竟然真系有陈皮味！ 豆浆 ($12) 豆浆好新鲜，唔会好甜，好岩现代人口味。 恋括黎讲成个面都好好，下次会回头试埋佢其他𩠌。