影片
更多
2014-07-30
1663 浏览
九点几喺金钟想揾尐好嘢食吓的确有尐难度，结果同个FD决定行落湾仔入咗大道东行到船街街口，突然决定转入船街望吓，结果就发现咗呢间Pizzeria Motorino!呢间铺头由内至外装修都算几有格调，走怀旧路线，衬番成条船街~地方唔算细，入到去全部清一色外国客，平日夜晚九点几都仲坐咗十几人，应该唔会差得去边!坐低之后好快就有侍应来湛水+介绍菜式，服务都算系唔错~ 枱面上既用具令成个环境加咗唔少分数攞起餐牌，一见到Quattro Formaggi，我地尐咁钟意食cheese既梗系即刻谂都唔使谂就嗌呢个!除咗Quattro Formaggi，就嗌咗侍应推介既Prosciutto di Parma点完餐之后，望一望个厨房，见到有个好大既窑，睇来今次应该可以食到正宗Pizze (pizza既plural form)啦! 上菜速度比我预期中快好多，兼且未来到已经闻到好香，未食已经觉得唔会差(前图系Prosciutto di Parma，后图系Quattro Formaggi)成个Pizza上面都系满满既Parma Ham，见到其实已经唔想让相机食先!!呢个Quattro Formaggi落芝士一尐都
入咗大道东行到船街街口，突然决定转入船街望吓，结果就发现咗呢间Pizzeria Motorino!
呢间铺头由内至外装修都算几有格调，走怀旧路线，衬番成条船街~
地方唔算细，入到去全部清一色外国客，平日夜晚九点几都仲坐咗十几人，应该唔会差得去边!
坐低之后好快就有侍应来湛水+介绍菜式，服务都算系唔错~ 枱面上既用具令成个环境加咗唔少分数
攞起餐牌，一见到Quattro Formaggi，我地尐咁钟意食cheese既梗系即刻谂都唔使谂就嗌呢个![Quattro Formaggi 系意大利文，啫系「四种芝士」，一般来讲做香港客为主既Pizzeria唔会有得卖，因为呢种Pizza成个都系芝士，冇其他toppings]
除咗Quattro Formaggi，就嗌咗侍应推介既Prosciutto di Parma
[Prosciutto /prɔʃɪutɔ/ 系(干)火腿既意思]
点完餐之后，望一望个厨房，见到有个好大既窑，睇来今次应该可以食到正宗Pizze (pizza既plural form)啦! 上菜速度比我预期中快好多，兼且未来到已经闻到好香，未食已经觉得唔会差
(前图系Prosciutto di Parma，后图系Quattro Formaggi)成个Pizza上面都系满满既Parma Ham，见到其实已经唔想让相机食先!!
呢个Quattro Formaggi落芝士一尐都唔吝啬，配上少少Parsley，正!
至于Prosciutto di Parma，本身预期火腿会比较咸，但系食落又唔系㖞! 配埋俄勒冈叶，冇得顶
两个Pizze都非常唔错，而且份量、价钱都合适，唯一美中不足既系个Pizza边有少少韧，我个人比较钟意脆边多尐~
张贴
