札幌拉麵 Miso No.1 x 辛味屋 (已結業)

喺将军澳站豪宅区𠮶边， 隐藏不少特式餐厅，因人流冇大商场咁多， 感觉特别休闲。住同区的朋友话想食日本拉面， 我谂起近Parkside 小巷里面嘅 [札幌拉面 Miso No.1 x 辛味屋]。餐厅提供不少 拉面套餐，盖饭，小食等。 有新推出特浓豚骨汤系列， 一于叫套餐!  套餐包括一款自选小食。 白豚拉面 （ 特浓豚骨汤），面质又爽又幼滑， 浓厚的豚骨汤， 有少少黏著嘴唇嘅骨胶， 醇香回味之极！ 白汤都有叉烧和半只溏心蛋。 叉烧唔算好肥美， 比较瘦嘅部分。 焦点绝对系个汤底和幼身拉面。 再配上大量嘅香葱， 木耳丝，笋丝， 滋味无穷!各款拉面话还可以加钱追加蛋 ，牛油，笋， 叉烧 等等。自家制饺子(小) $32 馅料胀卜卜， 煎得干身又唔油腻， 味道唔错。另一款套餐选了《什锦拉面》。 汤底唔同，配料也有叉烧，多了猪软骨和蟹柳。 汤底是味噌汤， 有北海道嘅风味， 曲嘅拉面， 烟韧唔会太硬， 猪软骨入味够软腍， 味道丰富， 值得一试。串烧鸡肉丸比较觉得似 免治鸡肉棒棒， 混入 微细嘅鸡软骨， 口感丰富， 鸡肉够味。另选了多春鱼小食， 多春鱼比较细条， 唔多鱼春， 炸得唔够脆。