聚小館 (已結業)

之前见过介绍呢间都算新的餐厅，听讲话系前五星酒店大厨开嘅，一直想试。呢次同个钟意食海鲜的朋友黎一试。OpenRice 写港铁A2出口，但完全揾唔到A2,而A出口系去反方向的⋯行咗个大运先去到店面虽然唔大，但整洁明亮，都坐得舒服。几位店员小哥友善亲切，会黎介绍店内的菜式。因为有叫虾蟹，中间又会自动黎帮忙换干净碟，服务态度👍🏻（唔知同友人不断叫海鲜有无关😆）总结呢间小店十分适合三五知己黎晚饭，叹下精致高水准中菜。餐牌菜式唔多，但样样精致有水准，店员话其实大厨有好多拿手菜，想食乜嘢下次可以预先打电话订定。菜式份量不多，啱晒钟意试菜的女士，如果有大食男士，最好叫多个炒饭食饱肚。