鮮活之味

营业中

休息中

平时出去食鳝一碟都卖百零两百蚊，就算去双𩠌饭店卖净𩠌都最少六七十蚊。观塘骆驼漆有间专食鳝嘅餐厅，新鲜即叫即整仲配埋饭都系卖七八十蚊，仲有每日新鲜用鳝骨煲嘅鱼汤米线，味道同价钱都完胜！今次我哋做咗餐厅嘅第一个顾客，佢一开门就已经冲咗入去🤣蜜饯炸鲜鳝球饭，配糖心蛋半只鳝球即叫即炸，薄薄嘅炸粉包裹住鳝球，令到鱼肉保持鲜嫩多汁。庆幸加咗$25选择咗大盛所以好大碟，有成十几嚿好大嘅鳝球，每一旧都炸到好香脆，加埋酱汁同埋青葱，一流嘅配搭！白灼秘制葱油汁鲜白鳝片+鱼汤米线相比炸鳝球，蒸白鳝片更加食得出鱼嘅鲜味，自家秘制葱油汁非常惹味，鱼汤米线汤底清甜，又健康又好味。韩式炸鸡球饭呢度除咗鳝之外，仲有其他嘢食可以拣，例如炸鸡头，猪腩肉，鸡髀。我哋拣咗韩式炸鸡球，啲鸡炸到大大嚿又好脆，而且鸡肉有肉汁，又唔多肥膏，啲汁酸酸甜甜好开胃。