豬手工房

营业中

休息中

一间隐藏工厦中ge餐厅，已帮衬过几次，过去一直口停车场入口行去搭货电梯到二楼，经过维修车房去到餐厅门口，今次店员指示，原来有另一出入口距离停车场出入口几米，有客电梯到二楼，经过窄窄走廊都可以入到餐厅。今次再黎都系叫招牌脆爆咸猪手另外再叫左个金沙软壳蟹薄饼。金沙软壳蟹薄饼满满ge酱喺面，差啲超出饼边，一拎起薄饼，芝士拉极唔断。薄饼软身唔会好干，有大量ge咸蛋隐藏酱料中，邪恶得黎好好味。薄饼面有辣味粉，初初食觉得几香口，但食多几啖，条脷开始只食到辣粉味道，遮盖左其他食材味道。招牌脆爆咸猪手(2磅半)大大份，猪手肉质软，个皮有部份脆，可惜有部份硬身，唔易咬。两个人食，食净2件薄饼，两件猪手刚好有自备食物盒带走。