掌壽司 (已結業)

今日返工，约左朋友系观塘附近食饭。朋友突然话近排发现左一间工场区里面嘅高质日本餐厅，就今日带我黎试下🤤入到餐厅，餐厅装修都偏向简约日本风格，环境唔错。首先我地叫左一个烧蛏子。蛏子烧到啱啱好，唔会烧到好干，好鲜甜。刺身方面，我地叫左油甘鱼刺身同埋带子刺身。带子食落好鲜味，啖啖肉，好肥美😋😋 油甘鱼刺身就油脂同鱼香都好丰富👍🏻最后我地叫左一个黑毛和牛寿喜烧。和牛嘅脂肪比例分部好平均，食落去好香牛肉味，有入口即溶嘅感觉。最正系寿喜烧有好多蔬菜，所以唔会食到觉得好油腻。