WAKO SAKE LABO (已結業)

再会豪师傅 隐藏式的Omakase细佬介绍，再次回味 豪师傅 嘅手势， 师傅转咗去新餐厅做，我同太太准时去到餐厅门外， 从店舖外表来看只是一间日式嘅 cafe， 完全唔似食日本料理 ，但原来里面系别有洞天， 店内有一幅摆满日本清酒嘅墙柜， 墙中间有一道门将整间餐厅分开咗两部分 ， 出面系 cafe里面则是一个u型嘅寿司吧台 ，吧台嘅两边墙身都系一个大型嘅led萤幕 ， 随时间会转换画面型做唔同嘅气氛 ，整个晚上 ，睇住几位师傅分工合作，为我哋打造每一道赏心悦目嘅菜式， 享受著满载幸福感的美味👍， 听住音乐坐在满有特色环境， 感觉置身在另一个空间，每一道菜式都食得出师傅对料理嘅执著同心思。 一边品尝料理，一边同师傅行话家常， 师傅介绍每道菜式嘅做法同材料，好似上咗一堂日本料理课，过程融洽轻松有讲有笑，匆匆就三个小时， 饮饱食醉后抱住个大肚腩离去， 期待下一季再光顾，品尝唔同季节嘅美食。