Cafe Whale (已結業)

香港仔好食嘅Burger唔多，Café Whale🐳系一间小店，隐藏咗喺屋苑下面，如果唔系朋友介绍，真系唔识嚟～店内面积唔大，只有大约10个座位，店外就有一张小枱，但小店装饰有心思。餐牌上大约有十款汉堡，仲有小食同埋咖啡☕️\ 🍔珍宝安格斯牛肉汉堡 ($80) /Burger即叫即做，所以一上枱时就闻到好香嘅牛肉味，汉堡系有厚度，咬落去有好多肉汁好Juicy，煎得刚刚好，肉中间仲系粉嫩色，唔会overcooked。平时burger块包我未必会食晒，但今次个块包外皮脆，内里松软，有好香嘅牛油味🧈，明明好饱我都食晒！如果嫌佢啲配料唔够，仲可以另外加烟肉🥓芝士🧀蘑菇🍄洋葱🧅，满足唔同人嘅需求～\ 🍟薯条($25) + 🍠炸蕃薯条($28) /又系即叫即炸，薯条系粗身薯条，无乜特别，但佢个炸蕃薯条就劲好食，因为岩岩炸起，外脆内软，甜甜的，推介⭐️食Burger会送汽水一罐🥤，或者餐牌上嘅咖啡减$10，当日天气有d热，所以我就索性饮罐汽水。因为店舖近鱼市场🐋，听朋友讲佢嘅鱼柳唔系用冰鲜鱼，而系店家每日去香港仔渔市场买新鲜鱼返黎整，作为黑松露fans嘅我，下次黎一定要试下佢个「黑松露酱沙巴龙趸汉堡」！