Green Waffle Diner (嘉咸街) (已搬遷) 新店位置

呢间我经常黎，适合朋友聚会坐低慢慢倾。由于间铺响斜路既位置，算比较偏僻，又唔起眼，由地铁站去都要行一段路先到，所以一直人流唔多，几个人坐卡位都好舒服。近期装修左少少，有好明亮既感觉。比较起铜锣湾既分店，呢间似舒适小店。重点推介Green Waffle既薯粒获仔，无论边款都咁好食，入面既蛋浆、芝士同薯香混埋一齐既味道超夹，基本上所有朋友食过都钟意食。个人最喜爱牛肉粒既获仔，加埋牛肉味系再提升获仔既味道。由于朋友唔食牛既关系，今次叫左野菜获仔，味道都好足，青椒既味道都好出，钟意青椒既都可以试下。想健康d所以叫左Avocado Coconut，但牛油果同椰子味道都唔出，可能佢加左几款材料，反而饮唔出佢既味道，奇怪地觉得似少少香蕉味（？）。由于呢度既食物多cream同cheese，所以建议叫d清d既饮品，Avocado Coconut就太饱，会饮唔哂浪费左。冻蓝藻植物奶咖啡应该系佢新出既饮品，拎出黎既时候都赞叹好靓，植物奶可以拣杏仁奶或者荳奶。朋友拣左杏仁奶，整杯味道就普通，似一般咖啡，植物奶既奶香始终比牛奶差少少。香脆鸡翼系最为推荐，每3只可以拣一种酱汁。今次拣左水牛汁同蜜糖蒜香汁，水牛汁系