大門拉麵 (屯門市廣場1期)

营业中

休息中

等男朋友等到颈都长埋，终于见到面，去超市买嘢前食返个拉面先，但去到已经排晒长龙，我地系第九张台，以为起码等半个钟啦，点知佢又竟然十五分钟入得。店舖细细，但咁多人排队食，紧系要试下佢有咩可取之处啦。原来佢啲拉面唔贵，50蚊左右可以有交易，而且有三种食法任君选择，分别系沾面，汤面同油面（姐系捞面）。我就嗌左佢个最基本嘅汤拉面嚟试下先，佢个汤唔算十分油，睇落好浓，饮落都好够味。佢个烧叉烧系甜甜地嘅，都好软腍，最抵赞系佢啲拉面，好似做左负离子咁直，我第一次食呢种拉面，好弹牙同滑好多。另外佢个腌笋系辣辣地嘅，令到啲笋味冇咁浓，岩我食。男朋友就嗌左个叉烧沾面，佢个汤比起其他店嚟讲比较淡同稀，可能呢啲系佢嘅特色。另外加左个味蛋，佢个蛋黄够流心但唔够甜，淡味左小小，可能系因为个汤再浓，有对比。但佢个煎饺子虽然卖相一般，但系就只只面实的的，胀卜卜好足料。而且剪到个底好香脆。两个人食到饱饱都系90蚊位，唔错。