影片
更多
2022-06-05
1637 浏览
香港地舖租贵就系人都知，正正就系因为呢个原因迫使好多有料嘅餐厅因为负担唔起昂贵铺租而选择落户横街中🥺 今次要介绍嘅餐厅无论服务、质素及性价比都完全达到哂我哋嘅要求😎 我哋讲紧边间餐厅？就系铜锣湾嘅拉面凪见主厨 Nelson 个人肥嘟嘟，以为佢系做厨出身喇，近厨得食呀嘛😂 点知倾开计先知佢做体育记者出身，而且仲去过日本学煮拉面添，份人对拉面和烹调仲好有热诚添🔥 仲要极大部份嘅食材因为未到佢要求而选择自制，例如佢哋自己烹调嘅豚骨汤底，自己手打面条，甚至乎系阿波尾鸡翼嘅黑豉油汁都系自家制造！唔怪得知佢哋嘅汤底好有日本拉面舖嘅味道🤤惊喜位系佢哋嘅服务真系好好，超细心！例如你叫黑蒜油拉面， Nelson会问你需唔需要围巾，唔好比黑蒜油整污糟你件衫。店员详细介绍每一款产品，亦唔会hard sell，服务好过好多坊间嘅高档日式餐厅👍🏻豚骨拉面($91)：汤底有得俾你拣浓厚度、咸度、蒜泥等，今次我哋就拣咗超浓厚、浓和多蒜泥，而面质我哋拣咗超硬。我哋觉得呢个组合几好，饮得出汤底嘅鲜甜，同时蒜泥亦唔会抢哂豚骨嘅香！面质弹牙又挂汤，拣超硬都无出现过未熟透嘅情况！块叉烧都好正，系薄咗少少喇！辣柚子豚骨拉面 (
见主厨 Nelson 个人肥嘟嘟，以为佢系做厨出身喇，近厨得食呀嘛😂 点知倾开计先知佢做体育记者出身，而且仲去过日本学煮拉面添，份人对拉面和烹调仲好有热诚添🔥 仲要极大部份嘅食材因为未到佢要求而选择自制，例如佢哋自己烹调嘅豚骨汤底，自己手打面条，甚至乎系阿波尾鸡翼嘅黑豉油汁都系自家制造！唔怪得知佢哋嘅汤底好有日本拉面舖嘅味道🤤
惊喜位系佢哋嘅服务真系好好，超细心！例如你叫黑蒜油拉面， Nelson会问你需唔需要围巾，唔好比黑蒜油整污糟你件衫。店员详细介绍每一款产品，亦唔会hard sell，服务好过好多坊间嘅高档日式餐厅👍🏻
豚骨拉面($91)：汤底有得俾你拣浓厚度、咸度、蒜泥等，今次我哋就拣咗超浓厚、浓和多蒜泥，而面质我哋拣咗超硬。我哋觉得呢个组合几好，饮得出汤底嘅鲜甜，同时蒜泥亦唔会抢哂豚骨嘅香！面质弹牙又挂汤，拣超硬都无出现过未熟透嘅情况！块叉烧都好正，系薄咗少少喇！
辣柚子豚骨拉面 ($唔记得)：成个汤底味道酸酸辣辣，好有夏天嘅感觉，佢个辣会令到你标晒汗，呢度做得几好。仲有佢嘅叉烧系由德岛県彩鸡鸡髀肉所做，完全不含激素的。面质都系正正常常，不过我哋会觉得个味道不及佢哋嘅王牌，豚骨拉面😎
凪豚饺 ($23/3件)：饺子皮和入边个馅都系自家制，真正做到皮薄馅靓，食落鲜嫩多汁🤤
阿波尾鸡翼 ($33/ 2只)：生炸鸡翼，净系呢点已经诚意十足🥹上到枱见到只手攞唔起，店员会提供厨房纸俾你包住嚟食，仲温馨提示一定要趁热食，因为冻咗肉汁会流失，加分！连埋佢哋𠮶个自家制黑豉油，外脆内软，口感十足👍🏻👍🏻👍🏻
总结，呢度嘅服务真系好好，最难能可贵嘅系主厨对”烹调”嘅一份执着，并唔会屈服于成本计算上而牺牲产品质素，呢一样嘢系现今社会已经好难得，正正就系呢一份执着，令到佢哋喺呢个拉面舖多个茶餐厅嘅世界上，依然屹立不倒。我哋衷心希望主厨Nelson和一众同事可以保持呢份热诚，并加以传承🙏🏻
香港人系值得食更好嘅拉面，而唔系机械式出产，煮衰咗照俾客食嘅拉面舖🥲
张贴
