醉江南

营业中

休息中

今日放工食左江南菜。餐厅外表看似一般，平平凡凡既装修，但估唔到啲菜色同装修完全相反，好多菜色食，同埋好好味。叫左个镇江肴肉。冻冻弹牙既肉质，口感爽口。肴肉味道香，唔点醋食原汁原味都好够味。加少少醋就越食越开胃。钟意肴肉侧边既啫喱，好滑，食完好养颜。叫埋个砂锅狮子头。好大煲，汤甜。娃娃菜同粉丝吸晒啲汤，好甜。两粒大大粒既狮子头隐藏系入边，好大旧。整开一半狮子头，入边啖啖肉，好满足。仲有好多菜同粉丝，啖啖都好甜，沙煲好保温，冬天食完超暖。价钱合理，野食好味，隐藏既江南菜好菜俾我发掘到，值得食！