御膳

营业中

休息中

由出黎做野后，屋企人都无特别去庆祝生日，最多只系系屋企食下蛋糕，不过今年细佬生日唔知做咩大家都想出去食饭庆祝下，可能人大左各有各忙，小左见面！呀妹收工收最夜咁就佢翻工地区啦，最后决定左去观塘食，六位用既菜单系事前已经确定左。麻辣卤水大拼盆 $120，金钱肚，猪大肠，手撕鸡，款款都好入味，特别系个猪大肠，食落又唔肥又够稔。花雕蛋白蒸龙趸球$198，妈妈中意食鱼，点都要叫一个，见openrice 既人都大赞呢个花雕蛋白蒸龙趸球，鱼肉同蛋都够滑，当要要试啦，好好食，不过分量好似唔太够。梅子果皮蒸肉蟹$398，大约1斤，蟹壳好硬，不过劲大旧蟹肉，好鲜甜，超正！蒜蓉粉丝蒸大元贝6只，$58蚊一只，每人一只， 好大粒既元贝，而且肠既位置已经清整好，元贝上既蒜好香，而最下层既粉丝吸收晒元贝既鲜味仲有蒜香味。金华玉树鸡半只$170，个名好得意，鸡好嫩，加上咸咸既金华火腿，一流。蒜蓉炒时菜$60，妈妈选了西兰花，蒜味够！西瓜盅350，见好多人都有食，我当然都要试，卖相好好，但其实都系水果盘。哈哈全家人都好满意呢餐，太好了，私房餐既好处系唔会太嘈，可以细心品尝食物。