晨光餐廳

营业中

休息中

一向响晨光叫开炒粉面，有日见到有客叫咗只芝麻鸡，一问之下，原来唔系常规菜，所以餐牌无写，侍应话可以预订，但要提早一两日打嚟问。前日专登打去订，佢哋除咗介绍咗只芝麻鸡，亦推介榄角肉排。芝麻鸡肉好嫩又够味，唔会太喊，小朋友都啱食，虽然放咗成个钟后先食，亦唔会因为外卖盒焗住而唔脆，鸡皮系精粹，芝麻又够多又香口，非常之好食。榄角肉排个汁唔错，最欣赏肉排无落梳打粉，值得一赞，食落有住家𩠌嘅感觉。试咗两款有惊喜嘅小菜，订𠮶时落单姐姐话两款系怀旧菜，除咗响一啲酒楼食得到，茶记好少做怀旧菜，包有惊喜，确实无令人失望。