天仁茗茶 (淘大商場1期)

营业中

休息中

食完萨莉亚之后，俾曱甴吓到我哋立即卖单走人，我哋就转阵到另一个地方继续倾计。近近地去淘大，醒起有间天仁茗茶系有得坐，不过平日经过都好多人无哂位。今日好彩一上去俾我哋嘅撞正有人啱啱走，就即刻冲过去。我哋叫咗一份士多啤梨疏乎里pancake，比平日日本𠮶啲疏乎里pancake平好多只不过$42。佢仲标明用日本鹿儿岛鸡蛋同明治4.3特浓牛奶。除咗有士多啤梨味仲有913茶王、铁观音茶拣。职员话要等15分钟左右，因为pancake好受欢迎，我见几多人叫pancake，佢都要不停整。佢上面𠮶啲cream非常之轻，唔系𠮶种好杰嘅cream，质地系偏流质水啲，而且系好浅好淡嘅粉红色，好天然，唔会劲色素，令到佢变到超粉红色。食落去pancake好fluffy，开头望落有啲珍珠好似好奇怪咁但系食落又几夹㖞！几香蛋味，仲有啲士多啤梨粒一齐食，酸酸甜甜真系好食！系呢度食都好过去日本𠮶啲pancake铺又贵又冇咩特色。