影片
更多
2021-10-03
990 浏览
打赢大佬有隐藏人物大班楼顾名思义又难book位升呢到十分之难book位大多数都系歌颂佢点样好食但系我反而觉得食乜嘢攻略先至系最重要小弟想分享一下佢有咩隐藏食谱等，等大家唔使好似小弟咁样食饭之前好似要喺投资银行𠮶度做back Office咁不停做research 、因为你冇做到功课都是跟个餐牌叫佢哋大多数都会答你「冇冇揾白母」第一刀叉烧 ：呢个会喺菜牌揾到但只限套餐牌，散叫冇显示，你又唔知几钱，最过瘾嘅系你预订咗佢都会答你睇吓当日师傅买唔买到第一刀先讲，所以你订咗都未必有，大约$100 一件 系好赤，但系真系好味，浓边焦香松化无卑第一刀厚切系好食嘅蟛蜞碗豆煮琵琶虾 220 一位 ：琵琶虾煮得爽脆配上脆卜卜的豌豆加上蟛蜞蟹膏，姜可能落多咗但系你都食到食材嘅鲜味，呢个直情你点样反转个餐牌都揾唔到剁椒龙趸鱼头配自家制饺子：四人份量大约$880 ，呢个你会喺佢嘅菜牌揾到但系必须要预订，同埋菜牌上系冇显示可以加饺子的，加饺子系灵魂因为佢可以将𠮶啲剁椒捞落去入晒味，唔会过辣，充满猪油香，皆因佢会好善长人翁地一条条肥猪肉切丝一齐蒸，三高的我也要啪一条落口到感受下（笑）侍应会好醒目地问你呢道菜需唔需要影
大班楼顾名思义又难book位升呢到十分之难book位
大多数都系歌颂佢点样好食
但系我反而觉得食乜嘢攻略先至系最重要
小弟想分享一下佢有咩隐藏食谱等，等大家唔使好似小弟咁样食饭之前好似要喺投资银行𠮶度做back Office咁不停做research 、因为你冇做到功课都是跟个餐牌叫佢哋大多数都会答你「冇冇揾白母」
第一刀叉烧 ：呢个会喺菜牌揾到但只限套餐牌，散叫冇显示，你又唔知几钱，最过瘾嘅系你预订咗佢都会答你睇吓当日师傅买唔买到第一刀先讲，所以你订咗都未必有，大约$100 一件 系好赤，但系真系好味，浓边焦香松化无卑第一刀厚切系好食嘅
蟛蜞碗豆煮琵琶虾 220 一位 ：琵琶虾煮得爽脆配上脆卜卜的豌豆加上蟛蜞蟹膏，姜可能落多咗但系你都食到食材嘅鲜味，呢个直情你点样反转个餐牌都揾唔到
剁椒龙趸鱼头配自家制饺子：四人份量大约$880 ，呢个你会喺佢嘅菜牌揾到但系必须要预订，同埋菜牌上系冇显示可以加饺子的，加饺子系灵魂因为佢可以将𠮶啲剁椒捞落去入晒味，唔会过辣，充满猪油香，皆因佢会好善长人翁地一条条肥猪肉切丝一齐蒸，三高的我也要啪一条落口到感受下（笑）侍应会好醒目地问你呢道菜需唔需要影相，如果需要影相佢唔会同你切开，我个人以口味行先因为你碎上的话可以入味啲 （注：一粒饺$10，俾佢啦超值，虽然木耳丝同笋丝唔够多但系都系好食嘅）
卤水花椒吊桶：呢道菜喺菜牌上揾到但系佢限量版AJ 一样唔订到时叫唔知有冇 （一位$60），吊桶10分爽，卤水味刚刚好不会过咸或过淡，再加少少花椒香唔会哽喉，吊桶须爽脆无比，「正」
脆皮羊肋骨（108 一条）呢个餐牌有嘅但系又系限量版Travis Scott ，酥脆无比，如果呢个你有带走Pair 我真系下身Travis Scott，上身fragment , 衬到绝呀 ，建议不顾仪态攞纸巾揸住旧骨一丝丝豪气地咬落去，你会好似觉得自己突然间变咗楚留香嘅郑少秋大侠一样10分豪迈 （笑）
江南百花鸡： 另一度yeezy, 尽考师傅工，简单来讲就系脆鸡皮酿虾胶，但系我略嫌虾胶弹力不足，有少少湿，相比之下可能澳门六棉酒家更胜一筹
餐牌度揾唔到嘅煲仔饭
榨菜肥牛煲仔饭 （120 一位）
相比起佢其余两款煲仔饭呢款可能比下去，但系如果你冇食过先前𠮶两款嘅话呢款都好开心㗎，食完之后将饭焦做泡饭修理大约$40一位、个泡饭落咗蚬，系真系几正，但系记得叫佢留少少饭焦唔好全部做晒泡饭等自己可以食下脆卜卜又系另一种食法
梅菜扣肉煲仔饭
虽然好邪恶，建议完可以告解一下，个人觉得梅菜偏甜，如果可以中和一下咁就仲不得之了
马友鱼煲仔饭
呢个绝对系神级，真系难以笔墨形容，淡淡饭都充满马友鱼香，真系好想大嗌一声「好好味呀」
Corkage 收你180 枝都尚算合理
天下之大岂能食尽所有东西，当然花雕蟹，芋角、臭豆腐等亦都系必叫
今日嘅分享亦都记录不尽佢其他隐藏菜式，迟啲会同大家继续报道
希望你钟意我嘅少少分享 😊
张贴
