奇興美食中心 (已結業)

星期五晚姐姐约埋我同honey一齐睇林敏聪演唱会，姐姐suggest嚟呢度食，其实位置都几隐闭。入到嚟嘅感觉又OK㖞，呢度都几大，装修OK，Service OK，因时间関系，姐姐已经order 哂食物，我到达嘅时候，姐姐同姐夫已经食嘞，我同老公一坐低就食喇。姐姐 order 咗粟米班块、海鲜什菜煲、蕃茄牛腩和酿豆腐，加$1有饮品， 小菜$42一欵。粟米班块 - 卖相一般，但味道唔错，炸得很香口又很脆，不过要食快D，因为D sauce会浸淋咗D班块。海鲜什菜煲 - 有西兰花、生菜、蟹柳、鱼柳、虾仔....，清清哋，味道OK。蕃茄牛腩 - 个汁几好味，牛腩 好细旧，口感一般，但都几淋，味道OK。酿豆腐 - 麻麻哋，豆腐唔滑又唔香，仲冇乜味tim。洗手间比一般茶餐厅好，值得一赞。