影片
更多
2010-08-08
94 浏览
估唔到原来商场入面有间酒楼，lunch 无咩人，枱密度唔算高，算坐得几舒服，静静地最钟意，唔会太嘈又有电视睇，出品味道大众化，价钱合理 ~白烚菜心，都好新鲜，烚得刚好又鲜嫩，无煮过时间，点淡豉油食，清清地，good。百花酿鱼肚，但完全唔觉有酿既动作㖞，只系两旧墨鱼丸放系啲鱼肚上面啰。墨鱼鱼弹牙味鲜，几好食。鱼肚偏硬身但口感爽，唔够腍同棉滑。总括黎讲清清地都唔错。炆茄子，如果可以再炆腍啲更好，使到茄子肉完全软化最好食，加左啲木鱼同豉油调味，味道可以啦。香芋春卷，一向我都唔食芋头，初时食唔出系芋泥，味淡，无咩香味，所以食唔出。馅料九成系芋泥，食唔到特别有其他配料，食到有啲肉碎啰，点啲喼汁同吃，酸酸地又炸得香脆，味道无咩特别，可以啦。蟹籽烧卖，都算做得唔错，猪肉虾同肥猪肉比例都掌握得到，都唔会有肥腻感，肉香虾爽，口感有啲散，无蟹籽味，都算合格。四宝鸡札，用上鸡柳、鱼肚、冬菇及火腿，大路满意，鱼肚够腍又棉滑，索晒啲精华，好味。干冬菇大件味鲜又浓且爽口，好食。腐竹皮有啲干，放左一段时间，可以再做好啲。荷叶饭，食唔到荷香味，饭好湿，豉油味盖过所有味道，太浓。炒得唔香又唔均匀，又无咩配料，味道好寡，
白烚菜心，都好新鲜，烚得刚好又鲜嫩，无煮过时间，点淡豉油食，清清地，good。
百花酿鱼肚，但完全唔觉有酿既动作㖞，只系两旧墨鱼丸放系啲鱼肚上面啰。墨鱼鱼弹牙味鲜，几好食。鱼肚偏硬身但口感爽，唔够腍同棉滑。总括黎讲清清地都唔错。
炆茄子，如果可以再炆腍啲更好，使到茄子肉完全软化最好食，加左啲木鱼同豉油调味，味道可以啦。
香芋春卷，一向我都唔食芋头，初时食唔出系芋泥，味淡，无咩香味，所以食唔出。馅料九成系芋泥，食唔到特别有其他配料，食到有啲肉碎啰，点啲喼汁同吃，酸酸地又炸得香脆，味道无咩特别，可以啦。
蟹籽烧卖，都算做得唔错，猪肉虾同肥猪肉比例都掌握得到，都唔会有肥腻感，肉香虾爽，口感有啲散，无蟹籽味，都算合格。
四宝鸡札，用上鸡柳、鱼肚、冬菇及火腿，大路满意，鱼肚够腍又棉滑，索晒啲精华，好味。干冬菇大件味鲜又浓且爽口，好食。腐竹皮有啲干，放左一段时间，可以再做好啲。
荷叶饭，食唔到荷香味，饭好湿，豉油味盖过所有味道，太浓。炒得唔香又唔均匀，又无咩配料，味道好寡，似斋豉油炒饭，试左两啖已唔多想食。放入荷叶前必须炒得比平时更干身、花更多时间，因蒸既时候会吸收大量水份，蒸得太耐的话，饭又过湿、腍劈劈；蒸得时间短，又无荷叶清香味。
张贴
