春芳號 (裕民坊YM²)

营业中

休息中

观塘裕民坊重建之后变成一个好靓既商场，仲有得凉住冷气等巴士，而喺度插旗嘅春芳号，自然系我哋买手摇饮品消暑嘅首选啦！我哋分别叫咗四款饮品加一款小食，未试味道，已经被包装惊艳了！几个闺蜜一人一杯，好睇又好饮，影相一流呀～！杯嘅包装非常有心思！有旧观塘嘅景物，色彩缤纷🌈四杯都唔同颜色，劲靓！［珍珠奶茶］作为手摇饮品店必备item，珍珠奶茶控嘅朋友都话奶茶浓郁香甜，珍珠弹牙，好饮！最好笑系朋友饮完一杯都唔够喉，话希望春芳号出一桶奶茶［紫薯珍珠鲜奶绿］另一位朋友都系叫咗有珍珠嘅饮品，珍珠坚韧好𡁻，紫薯味出乎意料咁香浓！奶绿口感丝滑！不过如果唔太好甜既朋友仔，建议拣少糖~［苹果金凤椰果青］炎炎夏日当然要支持吓热带水果啦！我叫嘅呢杯饮品就似足热带杂果甜品～椰果份量好足，每啖都食到果肉，甜到入心呀！［苹果芦荟青］另一位都系拣咗比较夏日感觉嘅饮品，苹果同芦荟都系好滋润嘅食材，果然好！清！爽！！！苹果既清甜同芦荟果肉夹到啪啪声！今年个夏天咁热，大啖大啖咁饮呢个真系冰爽畅快透心凉！［红豆芝士肉松吐司］春芳号仲有几款吐司可供选择，如果买饮品加购仲可以平几蚊！吐司塞满晒馅料，仲要系新鲜热压，可以一次过买到食物同