七喜粥麵小廚

营业中

休息中

喺旺角花墟附近行行下街落大雨，想揾间舖头坐低避一避，明明条街就系有好多食肆，不过唔知点解只脚自自然就行咗入七喜。对我嚟讲七喜真系由细食到大，细个屋企附近又有佢，大个返工附近又有佢。而太子呢间舖其实都几细，坐得有啲逼唔多舒服，不过食物种类就真系非常多，总有一款吸引到我。今日叫咗一碗猪润生肠粥同埋豉椒牛肉炒河，唔知系咪因为已经系下午茶时间，啲粥嘅配料感觉冇平时食咁鲜味，粥底都偏淡。不过豉椒牛肉炒河就发挥水准，够份量有镬气，调味都好好，总体嚟讲都系食得满足，当怀下旧都好呀。