屯の大阪章魚燒 (已結業)

周四约左朋友喺附近食拉面，咁难得黎到附近都要食番次章鱼烧啦。可能系平日，刚开门冇耐，并唔需要等好耐，只有几个人等，我地买完都好快食到。依然都系四款口味：原味($20)、超爆多蟹籽($28)、超正明太子($28)、激多葱风味($24)其实我次次都系食蟹籽同葱，一来听过大部分人都话明太子口味一般，二来又觉得食原味有啲单调。超爆多蟹籽 $28/6粒依然都系咁多蟹籽蟹籽配章鱼烧我觉得几好夹，口感好好。章鱼烧外面热辣辣，但食落里面唔会话太热，一口放得哂入口，刚好。入面有粒章鱼，面粉感唔重，皮都有少少脆~激多葱风味 $24/6粒因为距离上次黎都有一段时间，所以唔知道佢地系转左呢种葱定点，我觉得冇咁好食…呢只葱比较粗大、而且食落会有少少辣喉，以前果只甜甜地，更出色。都系果句，唔洗排又住得唔远嘅咪试下，因为味道真系唔差，特别钟意食蟹籽味~住到山长水远，就无谓啦。