影片
更多
2016-03-29
26349 浏览
环境「天空龙吟日本料理」乃日本「龙吟」首间海外分店，位于ICC 101楼，有腾云驾雾嘅气势！因为地点独特，所以叫做「天空龙吟」。将架车交俾代客泊车后转电梯上101楼，话咁快就到。今晚安排咗窗口位，但可惜又落雨又大雾，望出去白蒙蒙乜野都睇唔到，真系唔荒唔腾云驾雾... 总店嘅灵魂人物山本征治先生希望可以「从日本料理中不断寻求可能性及潜在价值」，所以除咗保留怀石料理不时不食同埋精致卖相嘅同时，亦都会用新奇嘅方法去烹调食材，将怀石料理再升呢。每日只会供应一款有十道菜嘅怀石套餐，虽然客人唔可以拣选食物，不过可以喺订位嘅时候讲低有边啲食物唔食，职员亦都会好贴心咁记低晒，仲会专登print多一个menu出嚟酥炸香脆海苔裹北海道顶级海胆外层系晶莹剔透嘅炸米纸，包住一层脆卜卜嘅紫菜，再包住一块新鲜紫苏叶，内层充满北海道函馆最顶级海胆，整个食物放喺热辣辣嘅石碟上，有薯蓉垫底。平时唔钟意食炸物因为觉得好热气，油味又重，但呢个食物炸得非常出色。首先炸米纸非常薄，薄到可以睇到下面嘅紫菜，而且炸得松脆唔油腻，一咬开会有 '索索声'，海胆系多到会跌晒出嚟；下一层嘅紫菜香脆卜卜，味道香口；再下一层嘅新鲜紫苏叶质细软
「天空龙吟日本料理」乃日本「龙吟」首间海外分店，位于ICC 101楼，有腾云驾雾嘅气势！因为地点独特，所以叫做「天空龙吟」。将架车交俾代客泊车后转电梯上101楼，话咁快就到。今晚安排咗窗口位，但可惜又落雨又大雾，望出去白蒙蒙乜野都睇唔到，真系唔荒唔腾云驾雾...
总店嘅灵魂人物山本征治先生希望可以「从日本料理中不断寻求可能性及潜在价值」，所以除咗保留怀石料理不时不食同埋精致卖相嘅同时，亦都会用新奇嘅方法去烹调食材，将怀石料理再升呢。每日只会供应一款有十道菜嘅怀石套餐，虽然客人唔可以拣选食物，不过可以喺订位嘅时候讲低有边啲食物唔食，职员亦都会好贴心咁记低晒，仲会专登print多一个menu出嚟
酥炸香脆海苔裹北海道顶级海胆外层系晶莹剔透嘅炸米纸，包住一层脆卜卜嘅紫菜，再包住一块新鲜紫苏叶，内层充满北海道函馆最顶级海胆，整个食物放喺热辣辣嘅石碟上，有薯蓉垫底。平时唔钟意食炸物因为觉得好热气，油味又重，但呢个食物炸得非常出色。首先炸米纸非常薄，薄到可以睇到下面嘅紫菜，而且炸得松脆唔油腻，一咬开会有 '索索声'，海胆系多到会跌晒出嚟；下一层嘅紫菜香脆卜卜，味道香口；再下一层嘅新鲜紫苏叶质细软，味道比较重，重到盖过海胆鲜味，所以我冇放返跌咗嘅海胆入去，就咁斋食海胆会更加食到海胆鲜味。最后仲发现原来一齐食海胆及薯蓉系咁好味...
酥炸香脆海苔裹北海道顶级海胆
241 浏览
1 赞好
0 留言
日本总店每年都会做呢个食物一次，有幸喺香港分店试到！有日本萝卜、葱、柚子皮，下面嘅「海底鹅肝」𩽾𩾌鱼肝来自北海道余市。先用水低温煮鱼肝一个钟，再用加咗酒嘅清汤去煮，咁就可以辟晒鱼肝嘅腥味，之后用木鱼豉油高汤煮完再浸返一晚，令鱼肝尽吸鲜味，所以鱼肝油香诱人，入口即溶，半点腥味都冇；橙红色光泽亮丽嘅赤贝口感爽脆。第一口先食到柚子嘅酸酸甜甜，继而有海鲜嘅鲜味，最底就系黄芥末及味噌酱嘅咸咸辣辣，整道菜都充满层次
春季野菜配𩽾𩾌鱼肝
188 浏览
1 赞好
0 留言
每年3月左右，日本富山湾都会被一片奇异嘅蓝色萤光覆盖，佢哋就系萤乌贼。比起平时食开嘅鱿鱼，萤乌贼就细好多，而茶碗蒸又系细细碟，用佢嚟入馔就最好不过啦。呢道菜用九州鸡蛋做，每一口都充满鸡蛋香味，随后萤乌贼嘅浓郁鲜味及经过烘烤后嘅美味会涌入喉咙，真系好味到不得了。利用水蒸气嘅热力令食物变熟系最能保留食物鲜味，所以大厨用萤乌贼嚟做茶碗蒸真系谂得好啊！一来唔会破坏鲜味，二来喺蒸嘅期间萤乌贼汁会渗入蛋汁，真系好味到不得了... 萤乌贼仲要肉质鲜嫩，完全冇渣，仲夹杂少少膏... 食完之后整个口腔都仲系充满住萤乌贼嘅味道，直到食下一道菜为止，不得了... 一路打食评谂返起都要吞口水，好想再食...
158 浏览
0 赞好
0 留言
萤乌贼佐墨鱼汁热茶碗蒸
396 浏览
0 赞好
0 留言
萤乌贼佐墨鱼汁热茶碗蒸
542 浏览
0 赞好
0 留言
松叶蟹被日本人称为「蟹后」，长居于零污染嘅海底，捕蟹期短（每年只有11月至3月先可以捕捉有牌嘅松叶蟹），所以系非常珍贵㗎。一打开碗盖已经闻到清新嘅柚子味，汤最顶系一堆蟹膏及蟹脚肉，下面系一堆鲜蟹肉，最底层系冬菇蟹肉茸。蟹肉绵密紧实，有浓厚嘅鲜甜芳香，蟹膏肥美丰腴。建议先饮一啖汤，够晒清澈。之后将蟹肉捞匀清汤，再饮多一啖，有蟹肉嘅鲜味、清新嘅柚子味及冬菇扑鼻嘅香气（但好得意，冬菇蟹肉茸竟然有烧卖味），口感非常丰富，饮到一滴不漏
Matsuba gani crab and shiitake mushroom dumpling in Ichibandashi soup
128 浏览
1 赞好
0 留言
Matsuba gani crab and shiitake mushroom dumpling in Ichibandashi soup
277 浏览
0 赞好
0 留言
Matsuba gani crab and shiitake mushroom dumpling in Ichibandashi soup
220 浏览
0 赞好
0 留言
三式刺身好新鲜，由淡至浓，每一片刺身都充满海水味道。左口鱼厚度十足，柔软弹牙；北寄贝肉质鲜嫩肥美烟韧，轻轻用火烧过后香味层次更多，点少少海盐食味道会更突出；𫚕鱼粉红嫰滑，比左口鱼嘅肉质更结实，仲夹杂一点甘甜，鱼肉渗出淡淡嘅鱼脂香，清雅低调得嚟又不失浓郁，非常特别；旁边嘅紫菜堆香味浓郁；浸住豉油嘅腐皮豆味极度香浓，食完之后整个口腔都充满豆香，好似一口气倒咗好多豆入个口度咁样
龙吟精选刺身
169 浏览
1 赞好
0 留言
龙吟精选刺身
189 浏览
1 赞好
0 留言
龙吟精选刺身
158 浏览
0 赞好
0 留言
龙吟精选刺身
204 浏览
1 赞好
0 留言
Charcoal grilled and simmered Alfonsino
用备长炭烧过嘅红金木鲷鱼皮脆脆，有浓郁嘅火炙味道，烧嘅过程中将鱼油尽情释放出嚟，每一啖都充满油香。新鲜甜美嘅鱼肉上有柚子皮、干海带及白菜茸。柚子皮及白菜茸将整个浓汤嘅鲜味大大提升，饮到咁上下除咗有鱼香及柚子香外，仲有少少胡椒辣，层次分明。而白色嘅干海带同平时食开嘅有啲唔同，一浸汤口就会变软，口感有趣好似食紧腐皮咁，不过冇海带味道，但整体配合得天衣无缝
Charcoal grilled and simmered Alfonsino
139 浏览
2 赞好
0 留言
Charcoal grilled and simmered Alfonsino
126 浏览
0 赞好
0 留言
慢煮4小时嘅黑毛猪肉表面系啡色，中间呈粉红色，猪肉味香浓，点少少菊花汁鲜甜可口；旁边系被誉为「菇中之王」嘅舞茸，菇形完整而且炒过后充满鲜味；普遍餐厅都会用菜茎，但呢度用菜花，菜花新鲜鲜甜细嫩
Charcoal grilled Pure breed Iberico pork ''Premium Pluma''
122 浏览
0 赞好
0 留言
Charcoal grilled Pure breed Iberico pork ''Premium Pluma''
127 浏览
0 赞好
0 留言
饭面有炸昆布、樱花虾天妇罗及樱花瓣。樱花虾体形小巧，外层炸得金黄香酥；每一粒米由日本进口时都系未去壳嘅米糠，嚟到香港之后先会磨去啡色嘅米壳，所以每一粒米都会充满稻香，之后用樱花泡成嘅茶去煮饭，每粒饭都散发樱花茶香；旁边嘅渍物有葱、萝卜等，仲有少少jelly，逐粒逐粒咬爆后啲酸甜味道会溶入口腔，非常突出；面豉汤以一只又高又瘦嘅杯盛载，未饮已经闻到浓郁香菇味，饮完之后香菇味久久不散
香炸樱花虾 佐 樱花茶米饭
114 浏览
1 赞好
0 留言
点样系-196度？就系利用分子料理嘅技术，以-196度嘅液态氮将苹果急速冷冻，变成粉末，然后再将啲粉末放返入去苹果形嘅外壳。一开盖就系一个-196度嘅糖衣苹果，先影相之后用匙羹敲碎，职员仲话我敲得唔够狠，再敲！敲碎后加入99度嘅蜜柑果酱，糖衣苹果即时溶化并发出纱纱声，视觉效果十足非常吸引。通常蜜柑加热后会变酸，但呢个果酱并冇因为加热后而变酸，反而十分清甜仲充满柑香，配合脆脆嘅糖衣及有爆炸糖口感嘅粉末一齐食，又甜又爆炸又热又冻，真系充满唔同口感，层次非常丰富，难怪系招牌甜品啦
-196度蜜柑糖果 配 99度的蜜柑果酱
89 浏览
0 赞好
0 留言
-196度蜜柑糖果 配 99度的蜜柑果酱
178 浏览
0 赞好
0 留言
-196度蜜柑糖果 配 99度的蜜柑果酱
108 浏览
1 赞好
0 留言
-196度蜜柑糖果 配 99度的蜜柑果酱
110 浏览
2 赞好
0 留言
第一层系法国黑松露酱，下面系椰子焦糖布甸。黑松露味道恰到好处唔会过浓，同甜甜嘅焦糖布甸造成强烈对比，完全刺激味蕾！食完之后整个口腔又系会充满黑松露香味，每味菜都咁余震...真系不得了
RyuGin Truffled Roppongi pudding
89 浏览
0 赞好
0 留言
RyuGin Truffled Roppongi pudding
82 浏览
0 赞好
0 留言
食完晒所有菜式仲有一杯超浓抹茶，浓到入心入肺，既腥又苦，钟意浓抹茶嘅朋友一定会钟意！
Matcha
87 浏览
1 赞好
0 留言
张贴
