觀塘雀會 (已結業)

天有不测风云，几十年一遇，10月仲挂8号波，天赐一日假期，最开心不外乎打番几圈。观塘旧区包罗万有，娱乐不假外求。呢间雀会地点相当隐蔽，如果唔系地胆都唔容易揾到呢间老字号。店内设有用餐区，方便雀友食完先开局，亦会做街客生意。厨房除咗小菜，仲有碟头饭，亦有标准茶记水吧提供即食面同三文治多士，饮品都同茶餐厅差唔多，同时有啤酒供应。为求方便，今晚试咗碟芙蓉蛋饭同菜芛鸡柳饭。菜芛鸡柳饭无论卖相，用料都极之求其，两样料都好似无关系咁，而且汁都无味，失手之作。芙蓉蛋饭芙蓉蛋用料足，有火腿虾仁韮黄芽菜，蛋炒得两面焦香，微甜，外脆内嫩，配小碟甜豉油，比起酒楼出品亦豪不逊色！如果可以用番半肥瘦叉烧同葱花，就更加完美。惊喜往往系结果比预期好，喺无预期会有好嘢食嘅雀会，食到炒功一流嘅碟头饭，或者，会系我未来多啲嚟开枱嘅藉口。