中華滙館 (已結業)

好耐冇同屋企人出街食饭啦，因为我爸爸净系钟意食中菜所以想OpenRice揾左好耐终于揾到呢一间系中环嘅比较高质嘅中菜！佢嘅位置比较隐蔽少少我哋都揾咗一阵先可以做到！一去到毛面已经见到佢好靓，入面嘅气氛亦都十分之好！一入到去发觉有好多外国人喺度试紧呢间中菜，所以喺中环区佢都算几出名㗎 ！佢嘅价钱就偏贵嘅，见佢嘅叉烧好靓我哋就忍唔住要左一个你试吓，佢嘅黑豚肉叉烧好林好juicy!即使佢价钱偏贵但系都好值得试！跟住要做一个椒盐九肚鱼，揸得非常之松脆九肚鱼每条细细条完全食唔到有骨，完全可以做到外脆内软嘅感觉！仲有个脆皮炸子鸡，炸子鸡味道好好，啲皮炸到卜卜脆，正呀！值得一提嘅系呢度啲茶都好好饮，好香茶味！