影片
更多
2011-12-07
310 浏览
是日假期，照样早起身，因为安排咗去行山。出门之时，天朗气清，心情都轻松啲呀。行山目的地系城门水塘，打算行上针山，路段够扯，景观够正。一行四人小弟、太太、姨仔、舅仔浩浩荡荡出发，不过，未行山之先，梗系要祭祭五脏庙先啦，搭西铁嚟到荃湾西，过两段天桥就嚟到如心广场，食早餐（即系饮早茶）嘅地点就系彩晶轩，属好彩集团旗下嘅酒家，之前尖东嘅彩晶轩都帮衬过，都觉得几好，所以又试吓依间。感觉好唔同，依间装修型格好多，树枝形天花灯，够闪兼抢眼，环境高档啲，餐具颇别致。餐碟、茶杯都刻咗曹操《短歌行》头两句：「对酒当歌，人生几何」，诗词嘅嘢我就无谓晌度班门弄斧，只知首诗大意好似叫人最好及时行乐，啱嘅！啱嘅！活在当下，所以我哋立即「拿拿淋」点点心先。点心纸打正旗号写住「突破传统．非常点心」，又睇吓系咪咁坚。点心纸无分咩大中小点，但就明码实价写埋件数，例如：粉果系一笼有三件，清楚易明。虽则无分大中小点，但基本上都有分开唔同类别：新派创意点心一共有8款，单睇名字唔知有几创意，试咗其中两款萝卜千丝酥（$24/3件），跟平常见到嘅萝卜丝酥饼无咩大分别，食落亦唔见有咩创意嘢，唯水准不错，萝卜清甜多汁，酥皮甘香。和风鲜虾
感觉好唔同，依间装修型格好多，树枝形天花灯，够闪兼抢眼，环境高档啲，餐具颇别致。餐碟、茶杯都刻咗曹操《短歌行》头两句：「对酒当歌，人生几何」，诗词嘅嘢我就无谓晌度班门弄斧，只知首诗大意好似叫人最好及时行乐，啱嘅！啱嘅！活在当下，所以我哋立即「拿拿淋」点点心先。点心纸打正旗号写住「突破传统．非常点心」，又睇吓系咪咁坚。点心纸无分咩大中小点，但就明码实价写埋件数，例如：粉果系一笼有三件，清楚易明。虽则无分大中小点，但基本上都有分开唔同类别：
新派创意点心一共有8款，单睇名字唔知有几创意，试咗其中两款
萝卜千丝酥（$24/3件），跟平常见到嘅萝卜丝酥饼无咩大分别，食落亦唔见有咩创意嘢，唯水准不错，萝卜清甜多汁，酥皮甘香。
和风鲜虾手指卷（$24/3件），睇样唔见得有啲咩创意，咬落里面隐约带点日本芥辣味嘅沙律酱，再配合鲜弹嘅虾肉，外皮香脆，都几有啲意外惊喜。
怀旧粤式点心有成16款，但有啲我又唔系咁觉系怀旧㖞，反而仲有啲觉得系创新添，可能系自己都未听过个名，好似脆皮奶黄南瓜仔、芙蓉脆煎糯米鸡、七彩蔗汁马蹄糕……等等，小弟系70后，但又真系未听过依啲名，所以可能几「怀旧」吓，一时间搞到好似变咗古老当时兴口咁，故此，哩个类别拣得比较多点心嚟试。
晶莹活剥虾饺皇（$28/4件），名字就改得几有霸气，而质素都相当，虾饺外观透出鲜虾橙色，饺皮晶莹嘅表现，而咬落啖啖爽弹虾肉，活剥就可能夸张啲，但感觉到用料上乘。
香煎海味萝卜糕（$18/3件），相对较为普通嘅一款点心，海味下得少，糕身有些硬，唯独萝卜味突出。
碧绿榄菜小粉果（$18/3件），澄面皮薄如轻纱，出嚟个卖相晶莹得剔透，碧绿系翠玉瓜粒，加埋榄菜捞入猪肉，味道同质感都颇丰富。
香橙桂花马拉糕（$12/3件），顾名思义，而马拉糕面面见到点点橙皮粒，虽然马拉糕做得松软，散发点点桂花香，但橙香就比较弱。
小仓红豆煎软饼（$18/3件），外层糯米皮煎得几香，咬落烟韧软糯，中间红豆味浓质感柔软，确系几好食。
仲有另一张特价推介系列纸仔，有7款嘢，如：油盐水沙姜凤爪（$28/份）、黄金煎堆仔（$16/4件）、带子赛螃蟹饺（$24/3件）……，都唔觉咩特别平，跟其他点心差唔多啫，不过，都点咗三款想食嘅：潮州蒸粉果（$18/3件），澄面皮比上面个碧绿榄菜小粉果厚身啲，较黏糯有咬口，馅料传统无乜花巧，都系猪肉、花生粒、沙葛粒……等等，味道不俗。
粟米鱼肚咸鸡粥（$24/碗），个粥最突出都系啲咸鸡，腌过嘅鸡肉带有咸鲜香，而粥底算绵，但米粒未够爆花。
即制香滑蛋挞仔（$20/3件），酥皮底，有蛋香，但唔够滑，虽话即制，但嚟到都系微暖，始终唔及面包铺𠮶啲新鲜出炉。
上面所见，我哋都食咗成10样嘢，够晒皮喇。以下几类，虽然无食，但都写出嚟等大家知吓大概仲有咩嘢，到你嚟嘅时候有个预算。人工手拉肠粉
暂时都未见有机拉肠粉呀嘛！明显，突出在用料，好似安格斯鲜牛片肠（$30/碟）、脆皮金华萝卜丝肠（$30/碟）……共4款，不过我哋今次少有咁无点肠粉。
嗜甜之选
估唔到咁多，达14样之多，唔系红豆绿豆芝麻糊一类，全部都系特色糕点，大部份仲以自选小糕点形式售卖，有奶冻、冻糕、慕丝、有甸……每款$8件，但要两件起，可以自由组合整个糕点拼盘。
午市厨点推介
都系唔同种类唔同地方嘅小食， $18-$58一份，如松茸酱烤牛仔腩、XO酱可窝炒肠粉、蒜泥白肉、酒香猪手冻、和风秋烧茄串、灯影牛肉片……共20款，都几有卖点，可惜要11点后先有。
特色粥粉面饭
大概$78-$98一碟，同样，都系用料稍精嘅粥粉面饭，好似台南肉燥新竹米粉、黑椒牛柳丝炒稻庭乌冬、蒜香雪鱼粒炒饭……共16款，同样又系要11点后先有。
张贴
