樂天經典

营业中

休息中

🐔金牌脆皮烧鸡服务员一放低就有阵阵烧鸡香气，仲有脆脆虾片作为经典伴碟。鸡皮非常薄，无油腻感，肉嫩又多汁，鸡髀位更系嫩滑非常。配上特别嘅酱汁，少少酸辣味，十分有东南亚风味。🍚虾味鱼子虾球炒饭炒饭粒粒分明，镬气十足！虾球大约五、六粒，但胜在大大粒，鲜虾味十足。炒饭嘅鱼子以及其他配料都好均，啖啖惹味，有料到！🍤黄金虾球 浓浓咸蛋黄coating，虾球有先走油，香脆又弹牙，少少咸嘅蛋黄更显虾球鲜甜，咬落满满咸蛋黄香，但食落又唔会觉得肥腻。🇸🇬🇲🇾马来风光其实系马拉盏炒通菜，马拉盏非常香辣惹味，有虾米、豆瓣酱、姜、蒜和辣椒，样样都十分出味相配，加上厨房嘅镬气快炒，通菜干爽唔会出哂水，菜叶沾浓浓嘅马拉盏酱，菜茎爽脆又翠绿。