辦館 (雅蘭中心) (已結業)

想揾个地方坐下吹下水，一聚咖啡馆当然无位啦，行过雅兰见到有办馆，后面有张几隐蔽嘅枱㖞，正好可以同朋友倾偈用。完全不起眼的舖位，好彩有个霓虹灯招牌。下午茶tea set可点蛋糕加饮品，$30一客，转咖啡另加$15，都算抵啦。是日精选蛋糕有三款，三样都试下。黄色系柠檬味芝士蛋糕，酸酸地几好味。中间啡色系朱古力海绵蛋糕，蛋糕湿润，绵绵的几正。最后系啡黄色个件，好似系橙味朱古力蛋糕，无乜印象系咩味了，三件都唔差嘅，不过卖相欠奉，自助餐厅系咁啦。饮品转左做巨峰疏打，热玫瑰鲜奶咖啡，同红豆鲜奶抹茶，细细杯好的骰。疏打基本上系一杯冰，正好为夏天解解热。玫瑰花好香，啡味就无啦，但胜在奶滑。最后系自己点嘅抹茶，个人觉得系三杯入面最好饮，超浓绿茶味，加上硬实实嘅红豆好有口感，喜欢绿茶制品嘅朋友值得一试。最埋边呢张枱可以撘到十二个人，一大班人都ok㗎。枱上有自行清洁牌子提示食客掉番自己嘅垃圾，可惜商场没垃圾桶，要行到去电梯口先有，搞到劲多人都无掉自己饮完嘅胶杯，食完嘅胶叉，唉，工民教育有待增强。