象泰 (已結業)

今日又系食泰国菜嘅时间啦，屯门雅都花园经过左大装修，今日嚟到呢度嘅象泰宴。泰式生虾，净系睇个卖相已经够晒吸引啦，一只杯装住，而且酱料都分开两种，一种系红色，一种系绿色，绿色嘅比较香味重，但系红色嘅就比较偏辣辣，虾肉新鲜爽口，配上佢哋嘅都有酱汁，份外觉得美味。海鲜菠萝炒饭，净系睇个外相，已经觉得开心又吸引，成个菠萝喺度做衬托，但系最紧要嘅系食落真系好有镬气，而且食到淡淡的菠萝肉，食入口十分之有惊喜。软壳蟹米纸卷，系我最钟意嘅小食之一搭好皮好薄，而且新鲜包起，依然好有弹性，里面嘅软壳蟹，新鲜炸起，入口脆身，而且包得够晒扎实，点上鱼露食，好滋味。椰青膏作为甜品，一定系最好嘅选择，青高佢有别于一般嘅餐厅，因为佢系新鲜整起，仲热辣辣最紧要嘅系入口富有弹性， QQ地，份外滋味。