YumMee (K11 Musea)

营业中

休息中

前牌去咗K11 Musea行街街楼下food Court𠮶层其实有好多唔同类型嘅餐厅见到呢间新开，佢集亚洲菜式于一身话所以啱晒选择困难症嘅朋友。有齐港式、台湾菜，东南亚特色美食都有。我哋要咗两个煮食套餐一个系马来西亚肉骨茶另一个系海鲜喇沙，海鲜喇沙有少少辣辣地，用上咖喱椰汁做汤底，配料有鱼蛋、青口同虾，下面系配油面，汤底十分浓郁，份量都唔少。肉骨茶闻落去好香嘅药材味，仲配上大大粒嘅蒜头，用上一字骨肉质鲜嫩，真材实料，再加上豆卜同埋油炸鬼锁晒啲肉骨茶汤汁，送饭一流。另外我哋都要左两款小食一个系串烧同泰式串烧同埋酸辣凤爪，估唔到味道都唔错，酸酸美味10分开胃。嚟到东南亚点可以唔食啲特色甜品呢？我哋要咗个泰式芒果糯米饭同配上嬷嬷查查。呢款系东南亚嘅地道甜品其实系椰汁紫米再加上唔同嘅芋头同红豆，烟韧韧，价钱经济实惠。芒果糯米饭，芒果香甜份量又多。