影片
更多
2022-10-30
574 浏览
星期六收工又约朋友们食饭，今次话试下呢间呢排老是常出现既林明祯广告既翡翠拉面小笼包，都知佢系一间连锁集团，咁未试过就一于黎试试质素如何啦。星期六大约7点左右到，老友早左少少6点半攞左飞，我刚到等左无耐就入得，店内环境都几大，装修都几靓，3人行有幸安排坐左张最多坐到6人既圆枱，所以算坐得几舒服，仲有位摆下野tim，如果2个人就可能会安排坐系靠边既位置，会比较迫少少，另外同好似中菜馆一样要收茶位同小费的，茶位每位10蚊小食8蚊，都可以接受。先睇有咩食，见到有个几吸引既信用卡优惠2人餐几抵，就点左1份，另外再后加d野咁，落单形式都系用QR code，咁就可以慢慢睇慢慢点。前菜拼盘可以拣3样前菜，分别拣左宫廷酱茄子，美味熏鱼同鸡丝粉皮，茄子煮得岩岩好，同d酱好夹，酱汁少少甜有d似烧烤酱，熏鱼就冻食，炸过既鱼冻食就有少少韧，酱汁酸酸甜甜，味道都ok，鸡丝粉皮粉皮就比较厚身d，麻酱都足够但d粉皮再薄d会较好，其实个前菜分量都唔算少，几抵食。三鲜海皇羮呢个羮都几多料，食到好似有d竹笙豆腐之类既，都有少量虾粒，同埋都几大碗下，几丰富。上海排骨拉面先赞下个拉面真系拉得几好，1条过唔会断，不过我地要sha
星期六大约7点左右到，老友早左少少6点半攞左飞，我刚到等左无耐就入得，店内环境都几大，装修都几靓，3人行有幸安排坐左张最多坐到6人既圆枱，所以算坐得几舒服，仲有位摆下野tim，如果2个人就可能会安排坐系靠边既位置，会比较迫少少，另外同好似中菜馆一样要收茶位同小费的，茶位每位10蚊小食8蚊，都可以接受。
先睇有咩食，见到有个几吸引既信用卡优惠2人餐几抵，就点左1份，另外再后加d野咁，落单形式都系用QR code，咁就可以慢慢睇慢慢点。
前菜拼盘
可以拣3样前菜，分别拣左宫廷酱茄子，美味熏鱼同鸡丝粉皮，茄子煮得岩岩好，同d酱好夹，酱汁少少甜有d似烧烤酱，熏鱼就冻食，炸过既鱼冻食就有少少韧，酱汁酸酸甜甜，味道都ok，鸡丝粉皮粉皮就比较厚身d，麻酱都足够但d粉皮再薄d会较好，其实个前菜分量都唔算少，几抵食。
前菜拼盘
41 浏览
0 赞好
0 留言
三鲜海皇羮
呢个羮都几多料，食到好似有d竹笙豆腐之类既，都有少量虾粒，同埋都几大碗下，几丰富。
三鲜海皇羮
37 浏览
0 赞好
0 留言
上海排骨拉面
先赞下个拉面真系拉得几好，1条过唔会断，不过我地要share食就麻烦少少，另外汤底就比较单调味精较重，猪排几厚炸得都几香，但松肉粉可能重手左d拿到件猪排入面都粉晒食落无猪肉味，可惜。
红油抄手
其实就等于菜肉云吞加辣油，辣油唔会好辣，少少香辣味，怕辣既朋友都接受到，菜肉云吞就正常啦，皮唔会好厚，馅料都几足有肉汁。
上海排骨拉面，红油抄手
25 浏览
0 赞好
0 留言
葱烧蹄筋
蹄筋煮得几腍，腍得黎唔会好烂，有d咬口，我钟意既口感，但调味就比较淡口d，对我呢d钟意香口野既人就争少少。
葱烧蹄筋
10 浏览
0 赞好
0 留言
桂花酒酿丸子
酒味几香浓，丸子细细粒几烟韧，汤底甜甜地，有酒味有甜味有口感，呢个甜品几唔错。
桂花酒酿丸子
12 浏览
0 赞好
0 留言
冻柠檬薏米水
杯野本身无冰黎到系凉凉地未叫冻，佢本身特色系咁，口感偏向厚身少少，柠檬笃完都无乜味，普普通通。
冻柠檬薏米水
$23
15 浏览
0 赞好
0 留言
以上就系信用卡优惠2人餐，其实都几多野食2个人都应该够饱，但我地3个人㖞，当然争d要加野啦。
蟹粉小笼包
呢期推出既蟹粉系列，小笼包皮唔算好薄，包得住入面d汤汁，汤汁有d蟹粉香味但唔算好浓郁，唔太惊艳88蚊黎讲价钱较贵，试过就算。
上海生煎包
45蚊3个细细个，屯包底都煎得金黄几脆，内馅就比较一般，猪肉碎都似加左食粉之类野，肉味不香。
蟹粉小笼包，上海生煎包
$8
22 浏览
0 赞好
0 留言
豆沙锅饼
全餐最差既野，上枱系好热，但一点也不香脆，似系现成翻热，差在系咪用微波炉，外皮有d韧，红豆馅都做得唔好得酱无豆沙，55蚊不建议食。
豆沙锅饼
$55
12 浏览
0 赞好
0 留言
全餐食完有好有唔好整体上算是中规中矩，价钱黎讲系有信用卡优惠就抵食d，其实散叫食物可能会比较贵少少，呢餐3人人均230蚊都算可以，上海菜馆黎讲我地比较少食，呢间未试过都可以试下，下次会再发掘下更好的上海餐厅。
张贴
