影片
更多
2021-11-01
104 浏览
系沙田想揾放题食选择真系唔多，我地揾到哩间集放题、火锅、铁板于一身既餐厅，餐牌有三款价钱选择，价钱系决定选择既食物多与少关键，朋友睇哂三款餐牌既食物后决定选极盛放题。待应招呼我地坐低后便放低个环保过胶餐牌比我地自行选择，朋友负责点食物，我就出去观摩餐厅既即场铁板烧食物及拎饮品，餐厅饮品分左冻同唔冻两边，两边选择都好多，啤酒以至韩式饮品都有，冻柜除左饮品外仲有雪糕及糯米糍选择，作为饭后甜品岩哂。返到埋位朋友所点既食物巳经陆续出现，哩度既鱼生好新鲜，重要系我地写要几多件就比足甘多件，鱼生款式都好多款选择，当中以白王豚、蝾螺、鱼和剑鱼比较少系刺身餐牌中见到，朋友见到眼睛发光，话要点多D黎食下。铁板烧仲有贵价既广岛蚝及带子可以点，两者烧到岩岩，食落啖啖汁液流出，香浓又野味。羊架烧到㶶㶶地又野味，大大块，咬落肉质唔韧又唔干。待应突然放低两碟摆放精美既切大虾，我地印象无点过，待应告知我地系我地选哩个餐赠送的，突然有份惊喜感，虽然系赠送，大虾咬落啖啖肉兼弹牙，加上剥好壳切埋，唔洗整污秽只手。食到甘上下想食D湿下个口既食物，叫左个日式火锅，小小的锅中各式火锅配料都有一些，仲可以有鸡、牛或猪选配，迎合
待应招呼我地坐低后便放低个环保过胶餐牌比我地自行选择，朋友负责点食物，我就出去观摩餐厅既即场铁板烧食物及拎饮品，
餐厅饮品分左冻同唔冻两边，两边选择都好多，啤酒以至韩式饮品都有，
冻柜除左饮品外仲有雪糕及糯米糍选择，作为饭后甜品岩哂。
返到埋位朋友所点既食物巳经陆续出现，哩度既鱼生好新鲜，重要系我地写要几多件就比足甘多件，鱼生款式都好多款选择，当中以白王豚、蝾螺、鱼和剑鱼比较少系刺身餐牌中见到，朋友见到眼睛发光，话要点多D黎食下。
铁板烧仲有贵价既广岛蚝及带子可以点，两者烧到岩岩，食落啖啖汁液流出，香浓又野味。
羊架烧到㶶㶶地又野味，大大块，咬落肉质唔韧又唔干。
待应突然放低两碟摆放精美既切大虾，我地印象无点过，待应告知我地系我地选哩个餐赠送的，突然有份惊喜感，虽然系赠送，大虾咬落啖啖肉兼弹牙，加上剥好壳切埋，唔洗整污秽只手。
食到甘上下想食D湿下个口既食物，叫左个日式火锅，小小的锅中各式火锅配料都有一些，仲可以有鸡、牛或猪选配，迎合唔同口味既人，
我地两个都食到超级饱，食物选择款式多，满足哂我地所有为食既欲望。
张贴
