影片
更多
2023-01-19
821 浏览
如果有行过铜锣湾东角，我谂都不难发现有一间打卡餐厅「Lúa」 ，因为餐厅占地两层，而且挂满灯笼🏮，非常抢眼。打卡Cafe四周围都系，但食越南野就比较少见🇻🇳。我哋星期六嚟食，好彩有预先订定枱，Walk-in未必有位，并同时有幸坐喺楼上户外最瞩目嘅打卡位📸，而且感觉仲凉爽啲。室内系完全坐满人㗎，人气极高。餐厅采用QR Code落单，菜式选择繁多，并唔系单单提供一般牛河或捞檬等大路款式，但定价亦相对较高🙈。香茅柠檬叶焗越南农场少女鸡($388)，店员推介我哋试呢个期间限定烧鸡🐔。佢话份量唔细，果然无呃人。店员会先拎原只刚出炉嘅烧鸡出嚟比我哋影相，然后先拎返入厨房拆件。锡纸盘下低放咗大量盐、香茅同柠檬叶等，伴同少女鸡一齐焗制，所以就算唔蘸任何酱汁都已经好够味🤤。佢另外附上嘅香茅汁则能进一步提升滋味。鸡肉雪白，无乜太多脂肪，所以肉质偏结实🍗。两个人食成只鸡有啲多，如果加啲配菜调和一下(例如薯仔同萝卜等)，就感觉冇咁单调。柠檬罗勒炒碎米饭伴柑桔鸡翼及猪腩肉串($128)，本身惊呢个饭同香茅鸡会撞味，不过系唔同的。🍚炒饭好清新，用上碎米(我估即系小米?)，食落无咁饱滞，而且饭粒呈香草绿色💚，充满柠
如果有行过铜锣湾东角，我谂都不难发现有一间打卡餐厅「Lúa」 ，因为餐厅占地两层，而且挂满灯笼🏮，非常抢眼。打卡Cafe四周围都系，但食越南野就比较少见🇻🇳。
我哋星期六嚟食，好彩有预先订定枱，Walk-in未必有位，并同时有幸坐喺楼上户外最瞩目嘅打卡位📸，而且感觉仲凉爽啲。室内系完全坐满人㗎，人气极高。
餐厅采用QR Code落单，菜式选择繁多，并唔系单单提供一般牛河或捞檬等大路款式，但定价亦相对较高🙈。
香茅柠檬叶焗越南农场少女鸡($388)，店员推介我哋试呢个期间限定烧鸡🐔。佢话份量唔细，果然无呃人。店员会先拎原只刚出炉嘅烧鸡出嚟比我哋影相，然后先拎返入厨房拆件。
香茅柠檬叶焗越南农场少女鸡
$388
26 浏览
0 赞好
0 留言
锡纸盘下低放咗大量盐、香茅同柠檬叶等，伴同少女鸡一齐焗制，所以就算唔蘸任何酱汁都已经好够味🤤。佢另外附上嘅香茅汁则能进一步提升滋味。鸡肉雪白，无乜太多脂肪，所以肉质偏结实🍗。两个人食成只鸡有啲多，如果加啲配菜调和一下(例如薯仔同萝卜等)，就感觉冇咁单调。
柠檬罗勒炒碎米饭伴柑桔鸡翼及猪腩肉串
$128
21 浏览
0 赞好
0 留言
伴旁有几多𩠌，包括肉松、虾片、柑桔鸡翼同猪腩肉串等。鸡翼类似越式牛油鸡翼嘅炸法，但同时带柑桔香🍊。猪腩肉串好高质，富有烧烤嘅香气，而且腩位带脂肪，烧起上嚟份外香口。
甜品方面，我哋本身系嗌香蕉椰奶冰($98)，一客有六件，但店员话得返四件，问我哋转一份越式牛油果慕丝配自家制椰子雪糕好唔好，当然好啦😆，一个价钱可以试晒两款越南地道甜品㖞。椰奶冰冰感十足，花生味好重，香蕉肉融入其中🍌，沾炼奶食，甜蜜蜜。牛油果慕丝还原度极高，好似真系食紧牛油果咁🥑，无乜多余嘅甜味，再配埋椰子雪糕食好夹。
冻越南百分百甘蔗汁配咸柑桔($42)，百分百甘蔗汁真材实料，甜度强但自然，亦未甜到起痰嘅程度🥤。铁杯入面有粒咸柑桔，怕甜嘅可以笃多几吓，不过我就唔太钟意，因为太抢味，我认为原汁原味好饮啲。
我哋虽然坐喺室外，但都听到室内有Live Music唱歌表演🎤，唱紧广东歌，啱听、好听！
总括嚟讲，估唔到打卡餐厅嘅出品都唔错，菜式具自家特色，而我就最钟意个炒饭🥢。最后，店员们服务态度几好，有礼貌，抵赞。
张贴
